+7 (701) 759 90 19 Лента
10 °С : نۇر-سۇلتان
15 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

مۇعالىم جالاقىسىن ەسەپتەۋدىڭ ينديكاتورى وزگەرۋى كەرەك - ايگۇل مۇقاشيەۆا

15 تامىز 14:31 46
:ءبولىسۋ
مۇعالىم جالاقىسىن ەسەپتەۋدىڭ ينديكاتورى وزگەرۋى كەرەك - ايگۇل مۇقاشيەۆا

نۇر- سۇلتان. قازاقپارات - قازاقستان ءبىلىم جانە عىلىم سالاسى قىزمەتكەرلەرىنىڭ كاسىپوداق ۇيىمى ءتوراعاسىنىڭ ورىنباسارى ايگۇل مۇقاشيەۆا ەرتەڭ تامىز كەڭەسىنە مەملەكەت باسشىسىنىڭ قاتىسۋى پەداگوگ مارتەبەسىن كوتەرۋگە جاسالعان ەلەۋلى قادام ەكەنىن ايتتى، دەپ حابارلايدى قازاقپارات ءتىلشىسى.

«پەداگوگ مارتەبەسىن رەتتەيتىن زاڭ جوباسى ۇستازدار قاۋىمى كوپتەن بەرى قوردالانىپ قالعان ماسەلەلەردى شەشەدى دەگەن ۇمىتپەن وتىر. زاڭ جوباسى قازىر ۇكىمەتكە ءتۇستى. ۇكىمەتتەن كەيىن پارلامەنت تالقىسىنا تۇسەدى. ەرتەڭ رەسپۋبليكالىق تامىز كەڭەسى بولادى. ول كەڭەستەن ۇلكەن جاڭالىق كۇتەمىز. ويتكەنى، تاريحىمىزدا ءبىرىنشى رەت تامىز كەڭەسىنە ەل پرەزيدەنتى قاسىم- جومارت توقايەۆ قاتىسقالى وتىر»، - دەيدى كاسىپوداق وكىلى.

ايگۇل مۇقاشيەۆا ۇستاز تابىسىنىڭ ەلدەگى ورتاشا ەڭبەكاقى مولشەرىنەن تومەن بولۋى ادىلەتسىز دەپ سانايدى.

«ۇستاز مارتەبەسى دەگەندە ەڭ ءبىرىنشى ويعا ەڭبەكاقى تۇسەدى. قازىر ۇستازداردىڭ الاتىن جالاقاسى رەسپۋبليكالىق ورتاشا ەڭبەكاقى مولشەرىنەن 40 پايىز تومەن. وقۋ ءبىتىرىپ، جاڭادان جۇمىسقا كىرگەن مۇعالىمدەردىڭ جالاقىسى نەبارى 50 مىڭ تەڭگەدەن كوپ بولمايدى. كاسىپوداق تاراپىنان كوپتەن بەرى ايتىلىپ جۇرگەن ماسەلەنىڭ ءبىرى - جالاقىنى ەسەپتەۋ جۇيەسىنە قاتىستى. بازالىق لاۋازىمدىق جالاقى دەگەن ۇعىم بار. قازىر ونىڭ كولەمى - 17697 تەڭگە. جالپى جالاقى وسى بازالىق لاۋازىمدىق جالاقىدان باستاپ ەسەپتەلەدى. ءبىز سول بازالىق اقىنىڭ مولشەرىن مينيمالدى ايلىق ەڭبەكاقى كولەمىمەن تەڭەستىرۋدى ۇسىنىپ وتىرمىز. قازىر ونىڭ كولەمى - 42500 تەڭگە. وسى ينديكاتوردى اۋىستىرسا، مۇعالىمنىڭ جالاقىسى دا ناقتى وسەر ەدى. ول ۇسىنىستى الەۋمەتتىك سەرىكتەستىگىمىز بولىپ سانالاتىن ق ر ءبىلىم جانە عىلىم مينيسترلىگى دە قولداپ وتىر، دەپۋتاتتار دا كوتەرىپ ءجۇر»، - دەگەن مامان مۇعالىمدەر تاراپىنان كاسىپوداق ۇيىمىنا جىل سايىن مىڭداعان شاعىم تۇسەتىنىن ايتادى.

«ءبىلىم جانە عىلىم سالاسى قىزمەتكەرلەرىنىڭ كاسىپوداعى ەڭ ءىرى قوعامدىق ۇيىم بولىپ ەسەپتەلەدى. قاتارىمىزدا 700 مىڭنان استام كاسىپوداق مۇشەسى بار. سولاردىڭ جۇگىنىمدەرى بويىنشا بىلتىر مۇعالىمدەرگە تيەسىلى 300 ميلليون تەڭگەگە جۋىق قاراجات قايتارىلدى. ياعني، مۇعالىمدەردىڭ ەڭبەكاقىسىن زاڭسىز ۇستاپ قالعان نەمەسە تولەنبەي قالعان. بيىلعى التى ايدىڭ وزىندە 120 ميلليون تەڭگە ۇستازدارعا قايتارىلدى. ماڭعىستاۋ وبلىسىندا ەڭبەك دەمالىسى مەن ساۋىقتىرۋ وتەماقىسى ەسەبىنەن تولەنەتىن 6,5 ميلليارد تەڭگە ۋاقىتىندا اۋدارىلماعانى انىقتالعان بولاتىن. قازىرگى تاڭدا بۇل سوما تۇگەل تولەندى. ءبىرىنشى جارتجىلدىقتا ءبىزدىڭ كاسىپوداققا پەداگوگتار تاراپىنان 1,5 مىڭ جازباشا ءوتىنىش ءتۇستى. ونىڭ كوبى ەڭبەكاقىنى زاڭسىز ۇستاپ قالۋ نەمەسە تولەمەي قويۋعا، جۇمىستان شىعارۋعا بايلانىستى ارىزدار. بىلتىر جۇمىستان زاڭسىز شىعارىلعان 44 مۇعالىم قايتادان جۇمىسقا كىردى. ونىڭ التاۋى سوت ارقىلى قۇقىعىن قورعاپ شىقتى. 113 ۇستاز جۇمىستان زاڭسىز شىعارىلعالى تۇرعان جەرىنەن قىزمەتىندە قالدىرىلدى. وسىدان- اق ۇستازداردىڭ مارتەبەسى قانداي دەڭگەيدە ەكەنىن كورۋگە بولادى. ەرتەڭگى تامىز كەڭەسى وسىنداي ماسەلەلەردىڭ ءتۇيىنىن تارقاتۋعا سەپ بولادى دەگەن ويدامىز»، - دەيدى ايگۇل مۇقاشيەۆا.

اۆتور: ەسىمجان ناقتىباي


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات