13:11, 15 - تامىز 2019 | GMT +6
رونالدۋ مەسسي ەكەۋىنىڭ فۋتبولشى رەتىندەگى ايىرماشىلىقتارىن ايتىپ بەردى
نۇر-سۇلتان. قازاقپارات - «يۋۆەنتۋس» شابۋىلشىسى كريشتيانۋ رونالدۋ «بارسەلونا» فۋتبولشىسى ليونەل مەسسي ەكەۋىنىڭ ويىنشى رەتىندەگى تۇبەگەيلى ايىرماشىلىعى قانداي ەكەنىن ءتۇسىندىردى، دەپ جازادى Prosports.kz.
«مەنىڭ مەسسيدەن ايىرمام، بىرنەشە كلۋب ساپىندا ءار ەلدىڭ چەمپيونى اتاندىم. ءتىپتى بۇل الەمدە چەمپيوندار ليگاسىنىڭ بەس دۇركىن جەڭىمپازى اتانعان فۋتبولشىلار ساۋساقپەن سانارلىق. سول ءۇشىن باسقالاردى وزىممەن وسى تۋرنيرلەر ارقىلى سالىستىرامىن»، دەيدى پورتۋگاليالىق DAZN ستريمينگتىك ۇيىمىنا بەرگەن سۇحباتىندا.
سونداي- اق رونالدۋ چەمپينوندار ليگاسىندا قاتارىنان التى مارتە ۇزدىك سۇرمەرگەن بولعانىن ەسكە الدى. كريشتيانۋ رونالدۋ «رەال» ساپىندا چەمپيوندار ليگاسىن ءتورت رەت ۇتسا، «مانچەستەر يۋنايتەد» كومانداسىندا ءبىر رەت جەڭىسكە جەتكەن. سالىستىرۋ ءۇشىن ايتا كەتەيىك، مەسسي 2003 -جىلدان بەرى «بارسەلونادا» ويناپ، اتالمىش تۋرنيردىڭ ءتورت دۇركىن جەڭىمپازى اتاندى.