الەم ەلدەرى پارنيك گازدارىنا قاتىستى كەلىسىمگە كەلدى
نەمىس عىلىمي- زەرتتەۋ ينستيتۋتىنىڭ ديرەكتورى انكە حەرولدتىڭ ايتۋىنشا، گەرمانيا پارنيكتىك گازدار شىعارىندىلارىن ەكى مىڭ ەلۋىنشى جىلعا دەيىن مىڭ توعىز ءجۇز توقسانىنشى جىلمەن سالىستىرعاندا سەكسەن- توقسان بەس پروتسەنتكە ازايتادى. نەمىس ساراپشىسى بۇل ءۇشىن كومىردى پايدالانۋدان كەزەڭ- كەزەڭمەن باس تارتىپ، اۋىل جانە ورمان شارۋاشىلىعىندا قاجەتتى شارالاردى قابىلداۋ قاجەت ەكەنىن اتاپ ءوتتى.
اۆستراليا ەنەرگەتيكا جانە قورشاعان ورتانى قورعاۋ دەپارتامەنتىنىڭ باسشىسى روب ستيەردجيس ءوز مالىمدەمەسىندە ونىڭ ەلىندە وتكەن جىلى تازا ەنەرگيانى ءوندىرۋ ءۇشىن ون ءۇش ميلليارد دوللار ينۆەستيتسيالار قۇيىلعانىڭ ايتتى. ونىڭ ايتۋىنشا، جاسىل قۇرلىقتا ەكى مىڭ وتىزىنشى جىلعا دەيىن پارنيكتىك گازدار شىعارىندىلارى ەكى مىڭ بەسىنشى جىلعا قاراعاندا جيىرما التى- جيىرما سەگىز پروتسەنتكە دەيىن ازايادى.
ال قىتاي كليمات وزگەرۋى ۇلتتىق ستراتەگياسى ورتالىعى وكىلدەرىنىڭ ايتۋىنشا، قىتاي حالىق رەسپۋبليكاسىنىڭ ماقساتى - كەلەسى ون ءبىر جىلدا ەكى مىڭ بەسىنشى جىلمەن سالىستىرعاندا پارنيكتىك گازدار شىعارىندىلارىن الپىس- الپىس بەس پروتسەنتكە ازايتۋ.
كيم حا نا، سەدجون ۋنيۆەرسيتەتىنىڭ وقىتۋشىسى:
- كورەيا ۇكىمەتى پاريج كەلىسىمى اياسىنداعى مىندەتتەمەلەردىڭ ورىندالۋى جانە پارنيكتىك گازدار شىعارىندىلارىن تەكسەرۋ ءۇشىن جىل سايىن باقىلاۋدى جۇزەگە اسىراتىن كوميتەت قۇرۋعا نيەتتى. سونداي- اق كومىر مەن اتوم ەلەكتر ستانسيالارىنا تاۋەلدىلىكتى ازايتۋ ساياساتىن العا جىلجىتۋ جوسپارلانۋدا. 2030 -جىلعا دەيىن ءبىز وندىرىلەتىن ەنەرگيانىڭ جالپى كولەمىنىڭ جيىرما پروتسەنتى جاڭارتىلاتىن ەنەرگيا كوزدەرى بولادى دەگەن ۇمىتتەمىز.
www.24.kz