+7 (701) 759 90 19
-1 °С : نۇر-سۇلتان
3 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

يران بالاباقشاداعى بوبەكتەردى ا ق ش پسيحولوگىنىڭ ادىسىمەن تاربيەلەپ وتىر

15 تامىز 10:26
:ءبولىسۋ
يران بالاباقشاداعى بوبەكتەردى ا ق ش پسيحولوگىنىڭ ادىسىمەن تاربيەلەپ وتىر

نۇر-سۇلتان. قازاقپارات - جيراف تىلىندەگى ءبىلىم. يراندا بالالاردى مەكتەپكە بىردەن 4 تىلدە دايىندايدى. انا ءتىلى پارسى، اعىلشىن، ورىس جانە جيراف، ياعني زاماناۋي پسيحولوگيا تىلىندە.

بۇلدىرشىندەرگە ويىندار ارقىلى جاقسىلىق مەن جاماندىق، ءوزارا كومەك سىندى سەزىمدەردى تۇسىندىرەدى. يراندىق مۇعالىمدەر مۇنداي قۇندىلىقتاردى بالانىڭ بويىنا جاستايىنان ءسىڭىرۋ قاجەت دەيدى.

جالپى مەكتەپكە دەيىنگى ءبىلىم جۇيەسى ويىن مەن بيگە نەگىزدەلىپ قۇرىلعان. جالپى يراننىڭ مەكتەپكە دەيىنگى ءبىلىم سالاسى جەكەمەنشىكتىڭ قولىندا. جەرگىلىكتى بالا- باقشانىڭ ءبارى اقىلى. الايدا بۇلدىرشىندەرگە ارنالعان باعدارلاما اتا- انانىڭ قارجىسىن تولىق اقتايدى. مىندەتتى پاندەردەن بولەك قىشپەن بۇيىمدار جاساۋ ونەرى، ءان- بي، ءتىپتى روبوتەحنيكانى دا ۇيرەتەدى.

سوڭعى جىلدارى ءتىل مەڭگەرۋ دە كەڭىنەن قولعا الىنعان. ءبىرىنشى سىنىپقا دەيىن بۇلدىرشىندەر پارسى جانە اعىلشىن ءتىلىن ۇيرەنىپ ۇلگەرەدى. ورىس تىلىنە دە دەن قويىلا باستاعان.

بالالارعا وقىتىلاتىن تاعى ءبىر ەرەكشە ءتىل - جيراف ءتىلى. بۇل امەريكالىق پسيحولوگ مارشال روزەنبەرگتىڭ قۇراستىرعان ەمىن- ەركىن ءتىل قاتىسۋ باعدارلاماسى.

پاري رەزاي، مۇعالىم:

- جيراف ءتىلى - ويىن ءتىلى. ءبىز بالالاردى مەيرىمدىلىككە، وزگەلەرگە كومەكتەسۋگە ۇيرەتەمىز. بۇلدىرشىندەرگە ادامداردى قۇرمەتتەۋ سىندى جاقسى مىنەز- قۇلىق ويىن ارقىلى سىڭىرىلەدى. بىزدە بۇل جازۋ سياقتى مىندەتتى ءپان. وسى ارقىلى بۇلدىرشىندەردى ۇلكەن ومىرگە دايىندايمىز. مەكتەپكە دەيىنگى وقۋدى ارتۇرلەندىرۋ ءۇشىن اپتا سايىن ءارتۇرلى تاقىرىپ تاڭدالادى. مىسالى، وسى 7 كۇن ىشىندە بۇلدىرشىندەر جول ءجۇرۋ ەرەجەسىن ۇيرەندى. ال كەلەسى اپتادا قورشاعان ورتانى قورعاۋعا كىرىسەدى. جالپى قوعامداعى وزەكتى ماسەلەلەر مەكتەپكە دەيىنگى ءبىلىمنىڭ نەگىزگى پاندەرىنىڭ ءبىرى بولىپ سانالادى.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات