جاپونيادا مەكتەپكە دەيىنگى ءبىلىم الۋ مىندەتتى ەمەس

نۇر-سۇلتان. قازاقپارات - جاپونيادا مەكەمەلەر ءوز الدىنا باسقا ماقسات قويادى. ول بالانىڭ ەركىن ءوسىپ، قوعامنىڭ تولىق مۇشەسى رەتىندە قالىپتاسۋىنا كومەكتەسۋ. ونىڭ ىشىندە اتا- انالاردىڭ ەركىن جۇمىس ىستەۋىنە مۇمكىندىك بەرۋ دە بار.

جالپى كۇنشىعىس ەلىندە بالاباقشالار ەكىگە بولىنەدى. كەيبىر بالاباقشا ءبىلىم بەرۋگە باسىمدىق بەرسە، ەندى ءبىرى الدىمەن تاربيە بەرۋدى كوزدەيدى. جانە وسى باعىتتى ۇستاناتىنداردىڭ قاتارى بۇل ەلدە الدەقايدا كوبىرەك.

اتالعان ءبىلىم مەكەمەلەرىندە كىشكەنتاي بۇلدىرشىندەرگە جازۋ، سىزۋدى ۇيرەتۋدىڭ ورنىنا قۇربى- قۇرداستارىمەن ءتىل تابىسىپ، ۇلكەندەردىڭ سوزىنە قۇلاق ءتۇرۋ مەن قوعامدىق ورىندارداعى نەگىزگى ەرەجەلەردى ساقتاۋ تۋرالى ساباق وتەدى.

الايدا جەكەمەنشىك بالاباقشالاردا مەكتەپكە دەيىنگى ءبىلىم بەرۋ باعدارلاماسى قايتا قارالىپ، ءار بالامەن جەكەلەي جۇمىس ىستەۋگە باسىمدىق بەرىلگەن. مۇعالىمدەر باعدارلاماعا جاڭا پاندەر قوسىپ وتىرادى. وعان كوبىنە اعىلشىن ءتىلى مەن بالانىڭ دامۋىنا سەپتىگىن تيگىزەتىن ويىن تۇرلەرى كىرەدى ەكەن.

رەيكو كانادزاۆا، بالاباقشا مەڭگەرۋشىسى:

- بۇرىن بالالاردى توپقا ءبولىپ تاربيەلەۋگە باسىمدىق بەرىلەتىن. ءبىراق ول قوعام اراسىندا قيىندىق تۋعىزدى. سەبەبى بالالار ىنجىق بولىپ ءوسىپ، ءوز ويلارىن جەتكىزە المايتىن جاعدايعا جەتتى. بۇعان قوسا بۇلدىرشىندەر بويلارىنداعى قابىلەتتەرى مەن دارىندارىن دا كورسەتە الماي جاتادى. قازىر ۇكىمەت وسىنىڭ ءبارىن ەسكەرىپ، ءبىلىم بەرۋ باعدارلاماسىن قايتا قاراپ جاتىر.

www.24.kz