ەلوردادا قاراپايىم زاتتاردى وندىرۋشىلەرگە جەڭىلدىكتەر ۇسىنىلۋدا

None
None
نۇر- سۇلتان. قازاقپارات - ەلوردادا «قاراپايىم زاتتار ەكونوميكاسى» باعدارلاماسى قارقىندى جۇزەگە اسىرىلۋدا، دەپ حابارلايدى ەلوردا ينفو.

«قازىر حالىق تۇتىناتىن قاراپايىم زاتتار ەكونوميكاسى سالاسىنا اسا ءمان بەرىلۋدە. ءبىزدىڭ باعدارلاما «بيزنەستىڭ جول كارتاسى-2020» باعدارلاماسىمەن ۇقساس كەلەدى. باعدارلامانىڭ ەرەكشىلىگى تومەن پايىزبەن نەسيەنىڭ بەرىلۋى. سەبەبى بۇگىندە كوپتەگەن ەكىنشى دەڭگەيلى بانكتەر نەسيەنى كەمى 15 پايىز مولشەرلەمەمەن بەرەدى. جانە ءبىر ەرەكشەلىگى باعدارلاما نەگىزىندە نەسيەنى 7 جىلعا دەيىن الۋعا بولادى»، - دەدى نۇر- سۇلتان قالاسىنىڭ ايماقتىق كاسىپكەرلەر پالاتاسىنىڭ ديرەكتورىنىڭ ورىنباسارى بەيسەن جولبولدييەۆ اكىمدىكتە وتكەن باسپا ءسوز ءماسليحاتىندا.

ونىڭ سوزىنشە، كاسىبىن دوڭگەلەتكىسى كەلىپ نەسيە العان كاسىپكەرگە مەملەكەت تاراپىنان 50 پايىز كەپىلدىك بەرىلەدى.

«بيىل وتاندىق تاۋار وندىرۋشىلەردى قولداۋ ءۇشىن ءۇشىن پايىزدىق مولشەرلەمەسى 6 پايىز بولاتىن قاراپايىم زاتتار ەكونوميكا اتتى جەڭلدەتىلگەن باعدارلاماسىن جۇزەگە اسىرۋ باستالدى. بۇل باعدارلامانى جۇزەگە اسىرۋداعى ماقساتىندا رەسپۋبليكالىق بيۋدجەتتەن 600 ميلليارد تەڭگە قارجى ءبولىندى. ونىڭ ىشىندە اگرارلىق سەكتورداعى وڭدەۋگە 100 ميلليارد تەڭگە، اگرارلىق سالاداعى وندىرىسكە 100 ميلليارد تەڭگە جانە وڭدەۋ ونەركاسىبى مەن قىزمەتتەرگە 400 ميلليارد تەڭگە ءبولىندى»، - دەدى ول.

سونداي- اق، كاسىپكەرلەر پالاتاسىنىڭ وكىلى اتالعان قارجى ەلىمىزدەگى ەكىنشى دەڭگەيلى 9 بانككە تاراتىلعانىن ايتتى.

«باعدارلامانىڭ تالاپتارى بويىنشا ەدب 15 پايىز كولەمىندە نەسيە بەرەدى، ونىڭ 9 پايىزى «دامۋ» قورى ارقىلى سۋبسيديالانادى»، - دەدى ب. جولبولديەۆ.

سوڭعى جاڭالىقتار