+7 (701) 759 90 19 Лента
15 °С : نۇر-سۇلتان
22 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

اركتيكانىڭ ادام اياعى تيمەگەن مۇزىنان پلاستيك تابىلدى

15 تامىز 08:39 92
:ءبولىسۋ
اركتيكانىڭ ادام اياعى تيمەگەن مۇزىنان پلاستيك تابىلدى

نۇر- سۇلتان. قازاقپارات - اركتيكا الەمنىڭ ازداعان لاستانباعان جەرلەرىنىڭ قاتارىنا ەنگەنمەن، وندا جاۋعان قاردىڭ قۇرامىندا پلاستيكتىڭ ميكروسكوپيالىق بولشەكتەرى بار. بۇنى نەمىس جانە شۆەيتسار عالىمدارى انىقتادى، دەپ حابارلايدى قازاقپارات BBC- گە سىلتەمە جاساپ.

گەرمانياداعى الفرەد ۆەگەنەر اتىنداعى پوليارلىق جانە تەڭىز زەرتتەۋلەرى ينستيتۋتىنىڭ جانە شۆەيتساريانىڭ قار مەن كوشكىندى زەرتتەۋ ينستيتۋتىنىڭ كومانداسى وتكىزگەن زەرتتەۋلەر ناتيجەسى Science Advances عىلىمي جۋرنالىندا جاريالاندى.

نەمىس ينستيتۋتىنىڭ زەرتحاناسىندا شىنى قۇتىلارعا جينالعان ۇلگىلەردى زەرتتەي كەلە، عالىمدار قاردىڭ ءاربىر ليترىنەن پلاستيكتىڭ وڭ مىڭعا جۋىق ميكروسكوپيالىق بولشەگىن انىقتاعان.



بۇل - ادام اركتيكاعا كەلسە دە اۋامەن بىرگە وسى بولشەكتەردى جۇتادى دەگەندى بىلدىرەدى. ميكروپلاستيكتىڭ ادامنىڭ اعزاسىنا اسەرى ازىرگە تولىق زەرتتەلمەگەن.



سونداي- اق، زەرتتەۋشىلەر قاردان رەزەڭكە جانە قاتتى تالشىقتاردىڭ (سينتەتيكالىق بولۋى مۇمكىن) بولشەكتەرىن تاپتى.

جالپى عالىمدار قار سۋىنان كوپ ميكروبولشەكتەردى انىقتادى. پلاستماسسادان بولەك وندا سەلليۋلوزا، قىلشىقتىڭ بولشەكتەرى تابىلدى، سونداي- اق، رەزەڭكەلى شينالاردىڭ، لاكتار مەن بوياۋلاردىڭ بولشەكتەرى بولعان.

«ءبىز قانداي دا ءبىر لاستانۋدى انىقتايمىز دەگەن ويدا بولدىق، الايدا ميكروپلاستيكتىڭ وسىنشاما مولشەرى ءبىزدى تاڭ قالدىردى»، - دەدى ەكپەديتسيا جەتەكشىسى، پروفەسسور مەلاني بەرگمانن.

«قارداعى ميكروپلاستيكتەردىڭ باسىم كوپشىلىگى اۋادان تۇسكەن بولۋى كەرەك»، - دەدى ول.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات