داۋىل، جاۋىن، بۇرشاق - بەيسەنبىگە ارنالعان اۋا رايى
اتموسفەرالىق اۋا اعىنداردىڭ وتۋىنە بايلانىستى رەسپۋبليكانىڭ باسىم بولىگىندە قۇبىلمالى اۋارايى ساقتالادى، جاڭبىر جاۋادى، كەي جەرلەردە نايزاعاي جارقىلدايدى.
ەلىمىزدىڭ كەيبىر بولىگىندە جەل كۇشەيەدى، شاڭدى داۋىل سوعىپ، بۇرشاق جاۋۋى ىقتيمال. رەسپۋبليكانىڭ سولتۇستىگىندە تۇندە جانە تاڭەرتەڭ تۇمان تۇسەدى.
اقمولا، سولتۇستىك قازاقستان وبلىستارىنىڭ كەي جەرلەرىندە داۋىل كۇتىلەدى، جەل 15-20، كۇندىز ەكپىنى 25 م/س كۇشەيەدى، بۇرشاق جاۋۋى ىقتيمال، تۇندە جانە تاڭەرتەڭ اقمولا وبلىسىنىڭ كەي جەرلەردە تۇمان كۇتىلەدى.
جامبىل وبلىسىندا داۋىل كۇتىلەدى، تاڭەرتەڭ جانە كۇندىز جەل 15-20، ەكپىنى 23 م/س كۇشەيەدى، بۇرشاق جاۋۋى ىقتيمال.
تۇركىستان وبلىسىنىڭ كەي جەرلەرىندە داۋىل كۇتىلەدى، جەل 15-20، كۇندىز ەكپىنى 25 م/س شاڭدى داۋىلمەن كۇشەيەدى.
پاۆلودار، قوستاناي، قاراعاندى وبلىستارىندا داۋىل كۇتىلەدى، جەل 15-20، ەكپىنى 25 م/س كۇشەيەدى، كۇندىز كەي جەرلەردە بۇرشاق جاۋۋى ىقتيمال.
اقتوبە وبلىسىنىڭ كەي جەرلەرىندە تۇمان كۇتىلەدى.
قىزىلوردا، شىعىس قازاقستان وبلىستارىنىڭ كەي جەرلەرىندە تۇندە جانە تاڭەرتەڭ جەلدىڭ جىلدامدىعى 15-20 م/س جەتەدى.
الماتى وبلىسىنىڭ كەي جەرلەرىندە داۋىل كۇتىلەدى، جەل 18-23 م/س كۇشەيەدى.
قىزىلوردا، تۇركىستان، جامبىل، قاراعاندى، شىعىس قازاقستان وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىگىندە وتە جوعارى ءورت قاۋپى ساقتالادى.