17:50, 14 - تامىز 2019 | GMT +6
پرەزيدەنت قانات بوزىمبايەۆقا ەنەرگەتيكانى جانداندىرۋ جونىندە تاپسىرما بەردى
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ەنەرگەتيكا ءمينيسترى قانات بوزىمبايەۆتى قابىلدادى، دەپ حابارلايدى قازاقپارات اقورداعا سىلتەمە جاساپ.
قاسىم- جومارت توقايەۆقا 2019 -جىلدىڭ جەتى ايىنىڭ قورىتىندىسى بويىنشا مينيسترلىكتىڭ جۇمىسى جونىندە مالىمەت بەرىلدى.
قازاقستان پرەزيدەنتىنە جانارماي نارىعىنىڭ تۇراقتى جاعدايى، مۇناي- گاز سەكتورىنىڭ دامۋى، مۇناي وڭدەۋ زاۋىتتارىنىڭ احۋالى جانە ەنەرگەتيكا سالاسىنا تارتىلاتىن ينۆەستيتسيالاردىڭ وڭ قارقىنى تۋرالى باياندالدى.
مەملەكەت باسشىسى ەنەرگەتيكا سالاسىنىڭ دامۋىنا وڭ باعا بەرىپ، اتالعان باعىتتاعى جۇمىستى جانداندىرا بەرۋ جونىندە تاپسىرما بەردى.