ەۆبەيا ارالىنداعى سۇراپىل ءورت: گرەكتەر ەۋرووداقتان كومەك سۇرادى

None
None
نۇر-سۇلتان. قازاقپارات - گرەكيا ەۆبەي ارالىنداعى سۇراپىل ورمان ءورتىن سوندىرۋگە ەۋروپا وداعىنان كومەك سۇراۋعا ءماجبۇر بولدى، دەپ حابارلايدى قازاقپارات euronews.com-عا سىلتەمە جاساپ.

سەيسەنبىگە قاراعان تۇندە تۇتانعان ءورتتى 40 گرادۋستان تۇسپەي تۇرعان اپتاپ ىستىق پەن كۇشتى جەل شارتاراپقا تاراتىپ جاتىر. جەرگىلىكتى قورىقتى كۇلگە اينالدىرعان جالىن ەلدى مەكەندەرگە تاياپ كەلەدى.

ءورتتى سوندىرۋگە 200 دەن استام ادام جانە 67 ماشينا تارتىلعان. بۇدان تىس، بەس تىكۇشاق پەن التى ۇشاق سۋ تاسىپ ءجۇر. سوعان قاراماستان، ءتىلسىز جاۋدى اۋىزدىقتاۋدىڭ امالى بولماي تۇر.

«مىڭداعان گەكتار ورمان بىرنەشە ساعاتتىڭ ىشىندە كۇلگە اينالدى»، - دەپ حابارلادى Euronews ءتىلشىسى ياننيس ياگينيس.

كوك تۇتىنگە تۇنشىققان ارالدا اۆتوجولدار جابىلعان.

سوڭعى جاڭالىقتار