اتامبايەۆتى بەرىلۋگە كوندىرگەن پوليتسەيدى «ساتقىندىعى» ءۇشىن قىزمەتىنەن قۋدى
اسانوۆ اتامبايەۆتى قاقتىعىس ۋشىعىپ كەتپەس ءۇشىن قۇقىق قورعاۋ ورگاندارىنىڭ قىزمەتكەرلەرىنە ءوز ەركىمەن بەرىلۋگە كوندىرگەن.
كەيىننەن ءى م باسشىسى ورىنباسارىنىڭ ۇستىنەن پوليتسيا قىزمەتتىك تەكسەرىس جۇرگىزەدى.
تەرگەۋ ناتيجەسىندە اسانوۆ قىزمەتىنەن بوساتىلعان.
ىشكى ىستەر مينيسترلىگى مۇنى قىرعىز ميليتسياسىنىڭ مۇددەلەرىنە قارسى كەلگەنى جانە سەنىمنەن شىققانى ءۇشىن دەپ ءتۇسىندىردى.
ەسكە سالا كەتسەك، 27- ماۋسىمدا اتامبايەۆ ەكس-پرەزيدەنت مارتەبەسىنەن ايىرىلعان. بۇرىنعى قىرعىزستاننىڭ باسشىسى وسى ماسەلەگە قاتىستى شاعىم ءتۇسىردى.
ونى بىرنەشە رەت سوتقا شاقىرعان. ال شىلدەنىڭ سوڭىندا تەرگەۋشىلەر اتىشۋلى قىلمىسكەر ازيز باتۋكايەۆتى زاڭسىز بوساتۋعا قاتىستى جاۋاپ الۋ ءۇشىن اتامبايەۆتىڭ رەزيدەنتسياسىنا باردى. ءبىراق ولاردى ىشكە كىرگىزبەگەن.
7- شىلدەدە قىرعىزستاندا بۇرىنعى پرەزيدەنتى المازبەك اتامبايەۆتى ۇستاۋ وپەراتسياسى باستالعانى حابارلاندى.
ارنايى جاساق ونىڭ قوي-تاشتاعى رەزيدەنتسياسىنا شابۋىل جاساعانىمەن، بۇرىنعى باسشىسىنىڭ جاقتاستارى ولارعا تويتارىس بەرە بىلگەن.
الايدا 8- تامىزدا قارۋلى كۇشتەر شابۋىلدى قايتا باستاپ، ناتيجەسىندە اتامبايەۆتىڭ ءوزى بەرىلگەن.
قىرعىزستاننىڭ مەملەكەتتىك ۇلتتىق قاۋىپسىزدىك كوميتەتىنىڭ باسشىسى وروزبەك وپۋمبايەۆ ەلدىڭ بۇرىنعى پرەزيدەنتى المازبەك اتامبايەۆ توڭكەرىس جاساماق نيەتتە بولعانىن ايتتى.