الماتىداعى سەل قاۋپى: قارعالى وزەنىنىڭ قازىرگى احۋالى بەلگىلى بولدى

الماتى. قازاقپارات - الماتى قالالىق ت ج د قارعالى وزەنىنىڭ قازىرگى احۋالى تۋرالى مالىمەت بەردى، دەپ حابارلايدى قازاقپارات ءتىلشىسى.

«اۋا تەمپەراتۋراسىنىڭ سوڭعى ەكى ايدا تومەندەمەۋىنە بايلانىستى تاڭعى ساعات 6:20 لار شاماسىندا قارعالى وزەنى باسسەينىندەگى 1№ كولدىڭ سۋى بوساتىلدى. سەكۋندىنا 5 مىڭ تەكشە مەتر جىلدامدىقپەن شىعارىلعاندا كولدەگى سۋ دەڭگەيى 5 مەترگە تومەندەدى. الدىن الا ەسەپتەر بويىنشا 20 مىڭ تەكشە مەتر سۋ اعىزىلعان»، - دەدى قالالىق ت ج د.

«وسىعان بايلانىستى ناۋرىزباي اۋدانى قارعالى شاتقالىندا تۇراتىن حالىق شۇعىل قۇلاقتاندىرىلدى. سونىمەن قاتار، ءورت ءسوندىرۋ بولىمشەلەرى، جول پاترۋلدىك قىزمەتكەرلەرى داۋىس زورايتقىشپەن حالىقتى حابارلاندىردى»، - دەدى ت ج د.

ناۋرىزباي اۋدانىندا قاۋىپسىز جەرگە كوشىرىلگەن ادامداردى قابىلداۋ ءۇشىن ەۆاكۋاتسيالىق پۋنكتتەر رەتكە كەلتىرىلدى. وسى ماقساتتا بوستاندىق اۋدانىندا مەكتەپ عيماراتى ازىرلەندى.

قارعالى وزەنىنىڭ ارناسىندا گازبەن قامتۋ، ەلەكتر ەنەرگياسىمەن قامتۋ نۇكتەلەرى اجىراتىلدى.

توتەنشە جاعدايلار بويىنشا شۇعىل شتاب قۇرىلدى. سونداي-اق قالا اكىمى باقىتجان ساعىنتايەۆ ناۋرىزباي اۋدانىنداعى سەل ورنىنا باردى.