ەلدىڭ باسىم بولىگىندە نايزاعاي ويناپ، جاڭبىر جاۋادى

نۇر-سۇلتان. قازاقپارات - اتموسفەرالىق فرونتالدى بولىكتەردىڭ وتۋىنە بايلانىستى 14- تامىز كۇنى رەسپۋبليكانىڭ باسىم بولىگىندە قۇبىلمالى كۇن رايى ساقتالادى - نايزاعاي ويناپ، جاڭبىر جاۋادى.
جەكەلەگەن وڭىرلەردە ەكپىندى جەل، داۋىل، شاڭدى داۋىل، بۇرشاق كۇتىلەدى، دەپ حابارلايدى قازاقپارات.
«قازگيدرومەت» ر م ك مالىمەتىنشە، اقمولا، سولتۇستىك قازاقستان وبلىستارىنىڭ كەي جەرلەرىندە داۋىل كۇتىلەدى، جەل 15-20 م/س كۇشەيەدى، بۇرشاق جاۋۋى ىقتيمال.
جامبىل، قاراعاندى وبلىستارىنىڭ كەي جەرلەرىندە داۋىل، 15-20 م/س ەكپىندەگى جەل بولجانادى. كۇندىز بۇرشاق جاۋادى.
تۇركىستان، ماڭعىستاۋ وبلىستارىنىڭ كەي جەرلەرىندە شاڭدى داۋىل تۇرىپ، جەل 15-20 م/س ارتادى. تۇركىستان وبلىسىنىڭ جەكەلەگەن اۋماقتارىندا داۋىل كۇتىلەدى.
باتىس قازاقستان، قىزىلوردا، قوستاناي، پاۆلودار وبلىستارىنىڭ كەي جەرلەرىندە جەلدىڭ كۇشى 15-20 م/س جەتەدى. پاۆلودار، كۇندىز قوستاناي وبلىستارىندا بۇرشاق جاۋۋى مۇمكىن. قىزىلوردا وبلىسىنىڭ كۇندىز كەي جەرلەرىندە شاڭدى داۋىل كۇتىلەدى.
شىعىس قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س كۇشەيەدى. تاڭەرتەڭ جانە كۇندىز كەي جەرلەردە بۇرشاق بولجانادى.
الماتى وبلىسىنىڭ كەي جەرلەرىندە 17-22 م/س ەكپىندە جەل تۇرىپ، وعان شاڭدى داۋىل قوسىلادى.
سونداي-اق قىزىلوردا، تۇركىستان، جامبىل، الماتى، قاراعاندى وبلىستارىنىڭ باسىم بولىگىندە، اقتوبە، شىعىس قازاقستان، اقمولا وبلىستارىنىڭ وڭتۇستىگىندە وتە جوعارى ءورت قاۋپى ساقتالادى.
- انالارىڭ جاقىندا كەلەدى: يراكتان ورالعان سابيلەردى تاربيەشىلەر قالاي جۇباتادى
- الماتىدا ديزاين- كود بويىنشا سالىناتىن اجەتحانا ەسكيزدەرى ۇسىنىلدى
- جاڭا جاردەماقى: مينيستر دەرەكتەر بازاسى قالاي جاسالاتىنىن ءتۇسىندىردى
- الماتىداعى تاۋەلسىزدىك جاريالانعان عيمارات - تاريحي نىسانعا اينالدى
-
قازاقستاندا كەدەيلىك شەگى ەڭ تومەنگى كۇنكورىس دەڭگەيىنە دەيىن ۇلعايتىلۋى مۇمكىن
-
قازاقستاندا ىزدەۋدە بولعان قىلمىسكەردى نيۋ-يورك پوليتسياسى ۇستادى


