كوكتوبەدەگى ورتتەن كەيىن الماتىدا اۋا لاستاندى

الماتى. قازاقپارات - الماتىداعى كوكتوبە شاتقالىنداعى قۇرعاق ءشوپتىڭ ورتەنۋىنە بايلانىستى، «كازگيدرومەت» ر م ك قىزمەتكەرلەرى جانۋ كوزىنە جاقىن ورنالاسقان اۋداندارداعى 3 نۇكتەدەن اتموسفەرالىق اۋانىڭ سىناماسىن الدى، دەپ حابارلايدى قازاقپارات ءتىلشىسى «قازگيدرومەت» ر م ك- عا سىلتەمە جاساپ.

- 1№ نۇكتە وڭداسىنوۆ 29،

- 2№ نۇكتە وماروۆ 2ا،

- 3№ نۇكتە ديۆايەۆ 35،

ىرىكتەلگەن اۋا سىنامالارىندا مەدەۋ اۋدانىنىڭ 1№ (وڭداسىنوۆ 29) نۇكتەسىندە ازوت ديوكسيدى بويىنشا شەكتى جول بەرىلگەن شوعىرلانۋدان 1,2 ش ج ك اسىپ ءتۇسۋى تىركەلدى.

بۇل اسىپ كەتۋ ەلەۋسىز، جوعارى لاستانۋ 10 ش ج ك- دان اسقان كەزدە بولادى. 20 ش ج ك- دان اسسا ەكسترەمالدى جوعارى لاستانۋ بولىپ تىركەلەدى.

جالپى، الماتى قالاسى بويىنشا جوعارى جانە ەكسترەمالدى جوعارى لاستانۋ جاعدايلارى تىركەلگەن جوق.

11-12- تامىز ارالىعىندا الماتى قالاسىندا قۇرعاق وڭتۇستىك تسيكلوننىڭ ىقپالىندا بولدى جانە 2-7 م/س ءالسىز جەلمەن از بۇلتتى ىستىق اۋا رايى ساقتالدى، بۇل اۋاداعى لاستاۋشى زاتتاردىڭ جينالۋىنا ىقپال ەتۋى مۇمكىن.