مويىنقۇمدا قۇرامىندا التىن بار كەن تاستارىن جيناۋشىلار ۇستالدى

None
None
تاراز. قازاقپارات - جامبىل وبلىسى مويىنقۇم اۋدانىندا قۇرامىندا التىن بار كەن تاستارىن جيناعاندار قولعا ءتۇستى، دەپ حابارلايدى قازاقپارات ءتىلشىسى.

بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى مالىمدەدى. وندا اعىمداعى جىلدىڭ 27- شىلدەسىندە مويىنقۇم اۋداندىق پوليتسيا ءبولىمىنىڭ «102» پۋلتىنە قۇرامىندا التىن بار كەن تاستارىن جيناعان ازاماتتار تۋرالى حابارلاما كەلىپ تۇسكەندىگى ايتىلعان.


«التىن وتكىزۋشىلەر كەن تاستارىن جيناۋمەن اينالىسىپ، ولاردى «ۋاز» ماركالى ءۇش اۆتوماشيناعا تيەگەن. تەكسەرۋ بارىسىندا پوليتسيا قىزمەتكەرلەرى قۇرامىندا باعالى مەتال بار ءتورت قاپ كەن تاستارىن تاركىلەدى. ءىس بويىنشا سەگىز كۇدىكتى ۇستالدى. تاركىلەنگەن كەن تاستارىنا سوت-حيميالىق ساراپتاماسى تاعايىندالدى»، - دەلىنگەن ۆەدومستۆو حابارلاماسىندا.


اتالعان فاكتى بويىنشا ق ر ق ك 334-بابى 1-بولىگى نەگىزىندە سوتقا دەيىنگى تەرگەۋ باستالدى.




سوڭعى جاڭالىقتار