+7 (701) 759 90 19 Лента
17 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

سەنات دەپۋتاتى اتانعان دانا نۇرجىگىت قانداي ماسەلەلەردى كوتەرمەك؟

13 تامىز 17:58 96
:ءبولىسۋ
سەنات دەپۋتاتى اتانعان دانا نۇرجىگىت قانداي ماسەلەلەردى كوتەرمەك؟

نۇر-سۇلتان. قازاقپارات - تانىمال وتاندىق تەلەجۇرگىزۋشى دانا نۇرجىگىت ءوزىنىڭ سەناتور بولىپ تاعايىندالۋىنا قاتىستى پىكىر ءبىلدىردى دەپ جازادى Bnews.kz سايتى.

ونىڭ سوزىنشە، پارلامەنت جوعارعى پالاتاسىنىڭ دەپۋتاتى بولۋ تۋرالى ۇسىنىستى بىلگەنىنە بىرنەشە كۇن عانا بولعان.

«مەن بىرنەشە كۇن بۇرىن عانا ءبىلدىم. بۇرىننان بىلەمىن دەپ ايتا المايمىن. مەن ءۇشىن بۇل ۇلكەن توسىن سىي. مەنىڭ بۇعان دەيىنگى جاساعان بارلىق جۇمىسىم تالدانعان دەپ ويلايمىن. شىنىمدى ايتسام، ارينە، قورقىنىشتى. ويتكەنى، تاعى دا ايتامىن، بۇل - ۇلكەن مارتەبە، ەگەر ساعان وسىنداي جاۋاپكەرشىلىگى مول جۇمىستى سەنىپ تاپسىرسا، ارينە، ءار ءسوز ماڭىزدى بولادى»، - دەدى دانا نۇرجىگىت.

سونداي-اق، تەلەجۇرگىزۋشى ونىڭ ساياساتقا كەلۋى ءالى بەلگىسىز ەكەنىن ايتتى.

«ءبىز ءبارىمىز الەۋمەتتىك جەلىلەردە وتىرامىز. ۇيدە وتىرىپ، ءبىز مۇنى قالاي ىستەيتىنىمىزدى بىلەمىز، جانە سىزگە وسىنداي مۇمكىندىك بەرگەندە، ولار: «كەرەك بولسا، كورىڭىز، جاساڭىز» دەيدى، سودان كەيىن سىزگە ناقتى ءىس كەرەك بولادى... مىسالى، مەن ازىرگە ناقتى شەشىم قابىلداعان جوقپىن، ءبىراق، سوعىس جوسپاردى كورسەتەدى»، - دەيدى ول.

دانا نۇرجىگىت سەناتور قىزمەتىندە ءبىلىم ماسەلەسى مەن كوپبالالى انالاردىڭ ماسەلەسىن كوتەرۋدى جوسپارلاپ وتىر.

«سۇراق كوپ. ارينە، مەن - انامىن. قازىر ءبىلىم جۇيەسىندە نە بولىپ جاتقانىن، كوپبالالى انالارعا تولەنەتىن جاردەماقى جايىندا، تولىق ەمەس وتباسىلار مەن تۇرعىن ءۇي باعدارلاماسى تۋرالى بىلەمىن. ەلدىڭ يگىلىگى ءۇشىن جاسالاتىن ءىس كوپ»، - دەدى سەناتور.

سونىمەن بىرگە، دانا نۇرجىگىت جاڭا جۇمىسقا اۋىسقانىنا قاراماستان، تەلەارناداعى باعدارلامانى جۇرگىزە بەرەتىنىن ايتتى.

«مەن «كابينەتتىك شەنەۋنىك» بولعىم كەلمەيدى، حالىققا جاقىن بولاتىن ادام بولعىم كەلەدى. بۇعان كاسىبي قىزمەتىمدى توقتاپاۋىم كومەكتەسەدى دەپ ويلايمىن. بۇل زاڭعا قايشى كەلمەيدى.

مەنىڭ ەل الدىنا شىعۋىم، ءىس-ساپارلارىم، ادامدار اراسىندا بولۋىم، جۋرناليستىك جۇمىسىم، ۇيقىعا كەتۋگە مۇمكىندىك بەرمەيدى. مەن كوپ نارسەنى سەزىنىپ، يمپۋلستى قولىممەن ۇستايمىن. بۇل، ءسوزسىز، حالىقپەن تىكەلەي كەزدەسۋلەر بولادى. بۇل مەنىڭ بولاشاق جۇمىسىمدا كومەكتەسەدى دەپ ويلايمىن»، - دەپ تۇيىندەدى تەلەجۇرگىزۋشى.

ەستەرىڭىزگە سالساق، كۇنى كەشە دانا نۇرجىگىت پرەزيدەنت جارلىعىمەن پارلامەنت سەناتىنىڭ دەپۋتاتى اتانعان بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات