قاسىم-جومارت توقايەۆ ب ۇ ۇ باس حاتشىسىنا كوڭىل ايتۋ جەدەلحاتىن جولدادى

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ب ۇ ۇ باس حاتشىسى انتونيۋ گۋتەرريشكە كوڭىل ايتۋ جەدەلحاتىن جولدادى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان بەنگازيدەگى جارىلىس سالدارىنان قازا تاپقان ب ۇ ۇ- نىڭ ليۆياداعى ميسسياسى قىزمەتكەرلەرىنىڭ وتباسىلارى مەن جاقىندارىنا كوڭىل ايتتى.

«بۇل زۇلىمدىققا تولى لاڭكەستىك شابۋىل ىزگىلىك پەن جاناشىرلىق قۇندىلىقتارىن دارىپتەيتىن قاسيەتتى مۇسىلمان مەرەكەسى - قۇربان ايت قارساڭىندا جاسالعانى اسا جان تۇرشىگەرلىك جاعداي بولىپ تابىلادى. الەمدىك قاۋىمداستىقتىڭ زورلىق-زومبىلىققا قارسى بىرلەسكەن جانە باتىل كۇرەسكە شاقىراتىن ۇندەۋىن بەرىك قولداي وتىرىپ، قازاقستان لاڭكەستىكتىڭ ەشقانداي ءتۇرى مەن كورىنىسىن قابىلدامايدى. ءبىز ب ۇ ۇ قىزمەتكەرلەرىنىڭ جاھاندىق ۇيىمنىڭ يگى ماقساتتارىنا قول جەتكىزۋ جولىنداعى قىزمەتىن جوعارى باعالايمىز»، - دەلىنگەن جەدەلحاتتا.

سوڭعى جاڭالىقتار