+7 (701) 759 90 19 Лента
17 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

ەلوردا اكىمى قالا حالقى ءۇشىن ەڭ وزەكتى ءۇش ماسەلەنى اتادى

13 تامىز 14:14 72
:ءبولىسۋ
ەلوردا اكىمى قالا حالقى ءۇشىن ەڭ وزەكتى ءۇش ماسەلەنى اتادى

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ شەشىمىن تابۋدى تالاپ ەتەتىن ەلوردانىڭ ەڭ وزەكتى ءۇش ماسەلەسىن اتادى، دەپ حابارلايدى قازاقپارات ءتىلشىسى.

«ءبىرىنشىسى - بۇل سالىمشىلاردىڭ ماسەلەسى. قازىرگى تاڭدا قالادا 50 گە تارتا پروبلەمالىق نىسان بار. ولاردىڭ قۇرىلىسى 5 نەمەسە 10 جىلدان اسىپ كەتكەن. ال سالىمشىلاردىڭ سانى 14 مىڭعا جەتىپ وتىر. ولاردىڭ پروبلەمالىق ساناتتا جۇرگەندەرى - 10,5 مىڭ ادام. ءبىز مەملەكەت باسشىسىنىڭ تاپسىرماسى بويىنشا مينيسترلىكتەرمەن بۇل ماسەلەنى شەشىپ جاتىرمىز. ءار ءۇي بويىنشا ناقتى مەحانيزم بار»، - دەدى التاي كولگىنوۆ ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.

ونىڭ ايتۋىنشا، اتالمىش ماسەلەدە ارىز بويىنشا داۋلار، ينۆەستورلار مەن سالۋشىلارعا قاتىستى ماسەلەلەر، سالىمشىلاردىڭ ءوز اراسىنداعى كەلىسپەۋشىلىكتەر سەكىلدى سۇراقتار بار.

«مىنە، سول سەبەپتى، ءار ءۇي بويىنشا جەكە جۇمىس جۇرگىزىلۋى ءتيىس. وسى جىلى 10 ءۇيدى پايدالانۋعا بەرسەك، كەلەسى جىلعى كەزەكتە تاعى 15 ءى تۇر. الداعى 3 جىلدا جاعدايدى تۇپكىلىكتى وزگەرتكىمىز كەلەدى»، - دەدى شاھار باسشىسى.

اكىمنىڭ ايتۋىنا قاراعاندا، ەلوردا ءۇشىن وزەكتى ەكىنشى ماسەلە - قالا شەتىن اباتتاندىرۋ.

«16 كەنت، قوسىلعان تۇرعىن ءۇي كەشەندەرىندە قالا حالقىنىڭ 25 پايىزى ءومىر ءسۇرىپ جاتىر. ونداعى حالىق سانى - 280 مىڭ ادام. وعان قاتىستى سۇراقتاردى دا ۇشكە ءبولىپ وتىرمىز: ءبىرىنشىسى - ينفراقۇرىلىم، ەكىنشىسى - الەۋمەتتىك نىساندار، ءۇشىنشىسى - اباتتاندىرۋ. جىلى ايالدامالار، اۆتوبۋستاردىڭ باعدارلارىنا كەلگەندە قالا شەتىندەگى تۇرعىندار ءبىرشاما قينالاتىنىن جاسىرمايمىز. بۇعان قاتىستى مەملەكەت باسشىسىنىڭ جەكە تاپسىرماسى بار. الداعى ءۇش جىلدىڭ جوسپارى بەكىتىلگەن»، - دەدى ول.

التاي كولگىنوۆ ءۇشىنشى ماسەلەگە ەلوردانى گازداندىرۋ جۇمىسىن جاتقىزدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات