بانكتەردىڭ نەسيەلىك بەلسەندىلىگى ارتىپ كەلەدى - ۇلتتىق بانك ءتوراعاسى

نۇر-سۇلتان. قازاقپارات - ۇلتتىق بانك ءتوراعاسى ەربولات دوسايەۆ قازاقستانداعى نەسيە جانە دەپوزيت نارىقتارىنىڭ احۋالى قالاي بولىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

«بانكتەر نەسيەلىك بەلسەندىلىگىن ۇلعايتىپ كەلەدى. ءساۋىر-ماۋسىم ايلارىنىڭ ارالىعىندا جۇرگىزىلگەن بانكتەردى قالىپقا كەلتىرۋدەن كەيىن نەسيەلىك پورتفەل %3,5 عا نەمەسە 433,6 ميلليارد تەڭگەگە جەتتى. ياعني 12,9 تريلليون تەڭگەگە دەيىن ۇلعايدى. ۇزاق مەرزىمدى نەسيەلەر - 11,0 تريلليون تەڭگە، قىسقا مەرزىمدى نەسيەلەر - 1,9 تريلليون تەڭگەگە تەڭ بولدى. بيزنەس ءۇشىن نەسيەلەرگە قولجەتىمدىلىك ارتۋدا: ماۋسىمدا تەڭگەمەن نەسيەلەر بويىنشا ستاۆكا وتكەن جىلعى ماۋسىمداعى %12,5 بەن سالىستىرعاندا %11,7 عا دەيىن تومەندەدى»، - دەپ اتاپ ءوتتى ۇلتتىق بانك ءتوراعاسى ۇكىمەت وتىرىسىندا.

ۇلتتىق بانك باسشىسىنىڭ ايتۋىنشا، نەسيەلەۋدىڭ وسۋىنە قورلاندىرۋ بازاسىنىڭ ساپالى تۇردە جاقسارۋى ىقپال ەتىپ وتىر.

«بۇل رەتتە ەۋرووبليگاتسيالاردى (قازاگرو) وتەۋ، سونداي-اق جەكەلەگەن ءىرى سالىمشىلاردىڭ ۆاليۋتالىق دەپوزيتتەردى شەتەلدىك قارجى ۇيىمدارىنا اۋدارۋى ناتيجەسىندە شەتەل ۆاليۋتاسىنداعى دەپوزيتتەر %19,8 عا قىسقاردى. سونىڭ سالدارىنان، دەپوزيتتەردى دوللارلاندىرۋ ماۋسىمنىڭ سوڭىندا %41,6 عا دەيىن تومەندەدى»، - دەدى ول.