قازاقستاننىڭ تەلەارناسى الەمنىڭ جەتەكشى جەرسەرىگى ارقىلى اقپارات تاراتا باستادى

نۇر- سۇلتان. قازاقپارات - «Кazakh TV» قازاقستاننىڭ ۇلتتىق جەرسەرىكتىك تەلەارناسى ەندى «Turksat» جەرسەرىگى ارقىلى دا قولجەتىمدى بولدى، دەپ حابارلايدى قازاقپارات.

«حابار» اگەنتتىگى الەمنىڭ جەتەكشى جەرسەرىكتىك وپەراتورلارىنىڭ بىرىمەن اقپارات تاراتۋ جونىندە كەلىسىمگە تۇردى.

9 - تامىزدان «Turksat» جەرسەرىگى ارقىلى «Кazakh TV» ارناسىنىڭ كورسەتىلىمدەرى كورەرمەنگە جول تارتتى. وسىلايشا، قازاقستاننىڭ اقپاراتتىق- تانىمدىق ۇلتىق ارناسى تۇركيا ەلى اۋماعىنداعى جەرسەرىكتىك تەلەءونىمنىڭ 20 ميلليوندىق اۋديتورياسىنا ءوز جاڭالىقتارىن تاراتۋعا قول جەتكىزدى.

ايتا كەتەيىك، «Turksat» اتالمىش مەملەكەتتەگى ەڭ ءىرى وپەراتورلاردىڭ ءبىرى بولىپ سانالادى. كومپانيانىڭ تەلەكوممۋنيكاتسيالىق قىزمەتتەرىنىڭ گەوگرافيالىق اۋقىمى كەڭ، ول ازيا مەن افريكا كەڭىستىگىن تولىقتاي قامتيدى.