ماجار جاستارى اباي اندەرىن شىرقادى

بۋداپەشت. قازاقپارات - ماجار جاستارى بۋداپەشتتە قازاقتىڭ ۇلى اقىنى، فيلوسوفى ابايدىڭ ليريكالىق اندەرىن شىرقادى، دەپ حابارلايدى ماجارستانداعى قر ەلشىلىگىنە سىلتەمە جاساپ.

بۋداپەشت قالاسىندا قازاقتىڭ ۇلى اقىن ابايدىڭ 174 جىلدىعىنا وراي شارا وتكىزىلدى. ءىس- شارا بارىسىندا قازاق دياسپوراسىنىڭ وكىلدەرى مەن ماجار ستۋدەنتتەرى ابايدىڭ تاقپاقتارىن، قارا سوزدەرىن وقىپ، ولەڭدەرىن ايتتى. سونىڭ ىشىندە ماجار جاستارى شىرقاعان «كوزىمنىڭ قاراسى» ، «جەلسىز تۇندە» اندەرى اسەرلى شىقتى.

«12 - تامىزدا بۋداپەشت قالاسىندا، قازاق حالقىنىڭ ۇلى اقىنى، فيلوسوفى، اعارتۋشىسى جانە قوعام قايراتكەرى ابايدىڭ 174 جىلدىعىنا وراي ماجارستانداعى ق ر ەلشىلىگى اباي ەسكەرتكىشىنە گۇل شوعىن قويۋ ءراسىمىن وتكىزدى. ءىس- شاراعا ەلشىلىكتىڭ قىزمەتكەرلەرى جانە ولاردىڭ جانۇيا مۇشەلەرى، قازاق دياسپوراسىنىڭ وكىلدەرى مەن ستۋدەنتتەر، سونداي- اق قازاق ءتىلىن وقيتىن جانە قازاق مادەنيەتىمەن قىزىعاتىن ماجار ستۋدەنتتەر قاتىستى»، دەلىنگەن ەلشىلىكتىڭ Facebook-تەگى پاراقشاسىندا.

ايتا كەتەرلىگى، قازاقستان رەسپۋبليكاسىنىڭ ماجارستانداعى توتەنشە جانە وكىلەتتى ەلشىسى نۇرباح رۇستەموۆ اباي قۇنانبايەۆتىڭ 175 جىلدىعىنا ارنالعان ەستافەتانى جالعاستىردى. ەلشى ۇلى اقىننىڭ «كوك تۇمان - الدىڭداعى كەلەر زامان» ولەڭىنەن ءۇزىندى وقىدى.

«ۇلى ابايدىڭ 175 جىلدىعىنا ارنالعان ەستافەتانى الماتى قالالىق «جاس وتان» فيليالىنىڭ ءتوراعاسى ءمادي احمەتوۆتەن قابىل الىپ، قازاقستان رەسپۋبليكاسىنىڭ قوعام جانە مەملەكەت قايراتكەرى داريعا نازاربايەۆاعا جولدايمىن»، دەدى نۇرباح رۇستەموۆ.

ەسكە سالساق، بۇعان دەيىن ق ر پرەزيدەنتى قاسىم- جومارت توقايەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى. كەيىن رەسەيدىڭ حالىق ءارتىسى يگور كرۋتوي ديماش قۇدايبەرگەن جولداعان ەستافەتانى قابىل العان بولاتىن.

ايتا كەتەرلىگى اقىندى ۇلىقتاۋ چەلەندجى حالىقارالىق سيپات الدى.