+7 (701) 759 90 19
1 °С : نۇر-سۇلتان
7 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

عالىمدار العاش رەت ادام باۋىرىن زەرتحانادا ءوسىردى

12 تامىز 20:10
:ءبولىسۋ
عالىمدار العاش رەت ادام باۋىرىن زەرتحانادا ءوسىردى

نۇر-سۇلتان. قازاقپارات – ر ي ا نوۆوستي امەريكالىق عالىمدار تاريحتا العاش رەت گەندىك- موديفيكاتسيالانعان جاسۋشالار نەگىزىندە ادام باۋىرىنىڭ شاعىن مودەلىن ءوسىردى، - دەپ حابارلايدى Tengrinews.kz Medicalxpress.com پورتالىنا سىلتەمە جاساپ.

پيتتسبۋرگ ۋنيۆەرسيتەتىنىڭ ماماندارى جۇمىس بارىسىندا تولىق جەتىلگەن قان تامىرلارى بار مۇشەنى ءوسىرىپ شىعا الدى. شاعىن باۋىردا ادام باۋىرى سياقتى ماتا قاباتى بار. عالىمدار ءوز تاجىريبەلەرىندە گەنەتيكالىق تۇرلەندىرىلگەن جاسۋشالاردى قولدانعانىن اتاپ ءوتتى. گەندىك موديفيكاتسيالانعان باۋىردى قۇرۋ پروتسەسى كەزەڭ- كەزەڭمەن وتكەن.

ماماندار الدىمەن ادام تەرىسىنىڭ جاسۋشالارىن الىپ، ولاردى موديفيكاتسيالاپ، ناتيجەسىندە دىڭگەك جاسۋشالارىن العان. سودان كەيىن زەرتحانالىق ەگەۋقۇيرىقتاردىڭ باۋىرىنان جاسۋشا الىپ اعزانىڭ قابىعىن عانا قالدىرعان. كەيىن ولار دىڭگەك جاسۋشالاردى جانۋارلاردىڭ باۋىرىنا ورناتقان. باۋىر تولىققاندى ءوسىپ، دامۋى ءۇشىن ارنايى ورتاعا ورنالاستىرىلدى، وندا كەمىرگىشتەردىڭ اعزاسىندا تىندەر مەن قان تامىرلارى قالىپتاسا باستادى.

بۇل ءادىستى ترانسپلانتاتسيا جاساۋ ءۇشىن اعزا قالىپتاستىرۋدا، سونداي- اق، سيرروزعا اكەلەتىن باۋىردىڭ الكوگول ەمەس ماي اۋرۋىن ەمدەۋ كەزىندە قولدانۋعا بولادى. جاساندى باۋىر عالىمدارعا بۇگىنگى تاڭدا بەلگىلى ءدارى- دارمەكتەردىڭ قايسىسى ءتيىمدى ەمەس ەكەنىن انىقتاۋعا كومەكتەسەدى.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات