تۇرعىن ءۇي باعدارلاماسىنىڭ پروتسەنتتىك مولشەرلەمەسى حالىققا ءتيىمسىز - ەكونوميست

None
None
نۇر-سۇلتان. قازاقپارات - ەلىمىزدەگى جاستاردىڭ 62 پروتسەنتى باسپاناعا مۇقتاج. ماماندار سوڭعى ۋاقىتتا ەكىنشى نارىقتاعى تۇرعىن ۇيلەرگە سۇرانىس ارتقانىن ايتادى. ءبىراق مەملەكەتتىك باعدارلامالاردىڭ تالاپتارى تۇرعىن ءۇي باعاسىنىڭ شارىقتاۋىنا نەگىز بولىپ وتىر.

ال ەكونوميستەر پايىزدىق مولشەرلەمە حالىق ءۇشىن ءتيىمسىز دەيدى. ءاربىر جەتىنشى قازاقستاندىق باسپاناعا مۇقتاج. بۇعان دەيىن ساراپشىلار حالىقتى تۇرعىن ۇيمەن قامتۋ ماسەلەسى 2035 -جىلعا دەيىن تولىق شەشىلمەيتىنىن بولجاعان. ول راس سياقتى. تۇيتكىلدىڭ ءتۇيىنىن تارقاتۋ ءۇشىن قۇرىلىس قارقىنىن ەسەلەۋ قاجەت. ال قازىر ەلىمىزدە ءۇي تاپشىلىعى بايقالادى. نارىقتا بارى تىم باعالى. قولجەتىمسىز.

الينا بۋراۆتسيەۆا، باسپانا نارىعىنىڭ مامانى:

- ەلدەگى ءبىرقاتار قالادا تۇرعىن ءۇي باعاسى اسپانداپ كەلەدى. سوڭعى 7 ايدا پەتروپاۆل، وسكەمەن، شىمكەنتتەگى ءوسىم 5-7 پروتسەنتتەن اسقان. الماتىداعى ورتاشا باعا 3 پروتسەنتكە ارتتى. ەلورداداعى باعا بۇرىنعىداي، ءبىر پايىزعا ارزانداعان. دەرەكتەرگە سۇيەنسەك، سوڭعى 9-ايدا ءبىرىنشى نارىقتاعى باعا 3,5 پروتسەنتكە ارتقان.

حالىق يپوتەكالىق باعدارلامالاردى جۇيەلى پايدالانۋدا. ءبىراق جىل سايىن شارىقتاپ كەلە جاتقان باعا كوڭىلگە قاياۋ تۇسىرەدى. مامانداردىڭ ايتۋىنشا، اسىرەسە كۇز مەزگىلىندە باسپاناعا سۇرانىس ارتادى. قازىر استانادا 1 پاتەردىڭ ورتاشا قۇنى 13 ميلليون 200 مىڭ تەڭگە، الماتىدا 15 ميلليون، ال وڭىرلەردە 7-7,5 ميلليون تەڭگە شاماسىندا.

الينا بۋراۆتسيەۆا، Krisha.kz شولۋشىسى:

- ەلدەگى تۇرعىن ءۇي نارىعى تەڭگەمەن سيپاتتالادى. وسى رەتتە مۇنىڭ ۆاليۋتا باعامىنا اسەرى بارىن ايتا كەتەيىن. سەبەبى حالىق اقشانى دوللارمەن ساقتاعاندى قۇپ كورەدى. مەنىڭشە كۇزدە باعا تاعى دا وسەدى. قازىر ەكىنشى نارىقتاعى ۇيلەرگە سۇرانىس كوپ. تەك بۇل جاعدايدا دۇرىستاپ ساۋدالاسقان ابزال.

جىل باسىنان بەرى قازاقستاندا 144 مىڭنان اسا باسپانانى ساتىپ الۋ- ساتۋ كەلىسىمى جاسالعان. ەكىنشى جارتىجىلدىقتا 190 مىڭعا جەتۋى ءتيىس. بولجام وسى. مامانداردىڭ ايتۋىنشا، مەملەكەتتىك تۇرعىن ءۇي باعدارلامالارىنىڭ نارىققا اسەرى ءتيدى. پايىزدىق مولشەرلەمە ارتقان سايىن باعا دا قۇبىلا تۇسەدى.

ارمان بايعانوۆ، ەكونوميست:

- پروتسەنتتىك مولشەرلەمە ويعا قونىمسىز. 12,15 پروتسەنت. بۇل ادامدى نەسيەنىڭ قۇلىنا اينالدىرادى عوي. سىياقى مولشەرلەمەسىن تولەپ كەلگەن حالىققا وبال جاساعاندىق بۇل. نەگىزىندە پايىزدىق مولشەرلەمە ينفلياتسيادان اسپاۋى كەرەك. ياعني 5-6 پايىز. نارىقتىق مەحانيزم وسىنداي.

ەگەمەندىك جىلدارى ەلىمىزدە 141 ميلليون شارشى مەتر باسپانا بوي كوتەردى. جىل سايىن اۋىلدان قالاعا كوشەتىن حالىقتىڭ سانى ارتىپ كەلەدى. دەمەك، باسپاناعا مۇقتاجدىق ماسەلەسى بۇگىن- ەرتەڭ شەشىلە قويماسى انىق.

www.24.kz

سوڭعى جاڭالىقتار