+7 (701) 759 90 19 Лента
17 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

جۋالىدان ەجەلگى ادامنىڭ باس سۇيەگى تابىلدى

12 تامىز 21:06 35
:ءبولىسۋ
جۋالىدان ەجەلگى ادامنىڭ باس سۇيەگى تابىلدى

تاراز. قازاقپارات - جامبىل وبلىسى جۋالى اۋدانىندا ارحەولوگيالىق قازبا جۇمىستارى كەزىندە ەجەلگى ادامنىڭ باس سۇيەگى تابىلدى ، - دەپ حابارلايدى قازاقپارات ءتىلشىسى.

ماماندار ونى 2-1 - عاسىرلارعا جاتقىزىپ وتىر. ونىڭ ەر نەمەسە ايەل ادام بولعانىن جانە ناقتى جاسىن ۋكراينالىق عالىمدار انىقتاماق. ول ءۇشىن ارنايى زەرتحاناعا باس سۇيەكتىڭ ءتىسى جىبەرىلدى.

«ءۇش مەترلىك تەرەڭدىكتەن ادامنىڭ باسى شىقتى. باسقا سۇيەكتەرى جوق. العاشقى كەزدە ءدان ۇگەتىن تاستار، قۇمىرانىڭ سىنىقتارى، ءبۇتىن قۇمىرالار دا شىقتى. اشىلىپ، تۇگەل قازىلىپ ءبىتىپ جاتسا، بۇل ەندى جالعىز ءبىز ەمەس، بۇكىل قازاقستانعا ۇلكەن ماقتانىش بولار ەدى. بۇدان 2 مىڭ جىل بۇرىن ءومىر ءسۇرىپ كەتكەن حالىقتاردىڭ تۇرمىس- تىرشىلىگى تۋرالى بىلۋگە بولادى»، - دەيدى قازبا جۇمىستارىنا قاتىسۋشى العان اليەۆ.

ايتا كەتۋ كەرەك، كونە بۋرنو- وكتيابر قالاشىعىن ارحەولوگيالىق زەرتتەۋ كەزىندە 3500-گە تارتا جادىگەر تابىلعان. اراسىندا قىش ىدىستاردىڭ سىنىقتارى، قول ديىرمەن، قولادان جاسالعان ماي شامدار بار. قازىر ارحەولوگتار ەكى بولمەنىڭ ورنىن تاۋىپ، زەرتتەپ جاتىر. ونىڭ بىرەۋى قاز قالپىندا ساقتالعان.

«قابىرعالارى بۇلىنبەگەن. ءتىپتى بولمەنىڭ توبەسى دە ساقتالعان. كۇمبەز ءتارىزدى. مىنە قاراڭىز، مىناۋ قابىرعا، ءارى قاراي كىرپىشتەر كولدەنەڭ ەمەس، شىرشا سياقتى قالانعان. تولىقتاي تازارتتىق. بولمە ادەيى كومىلگەن. نەگە دەسەڭىز، بۇل جەردىڭ كونە تۇرعىندارى نىساندى ءجاي عانا تاستاپ كەتپەگەن. ولار مۇندا قايتا كەلۋدى كوزدەگەن»، - دەيدى ارحەولوگ ەسكەندىر تورەبەكوۆ.

اۆتور: عيبرات سەمباي


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات