نۇرتورە ءجۇسىپ سەنات دەپۋتاتى بولدى

نۇر- سۇلتان. قازاقپارات - نۇرتورە ءجۇسىپ پەن اسقار شاكىروۆ ق ر پارلامەنتى سەناتىنىڭ دەپۋتاتى بولدى. بۇل تۋرالى بۇگىن اقوردانىڭ باسپا ءسوز قىزمەتى حابارلادى.

«مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتى سەناتىنىڭ دەپۋتاتتارى بولىپ نۇرتورە بايتىلەس ۇلى ءجۇسىپ پەن اسقار ورازالى ۇلى شاكىروۆ تاعايىندالدى»، - دەلىنگەن حابارلامادا.

جۋرناليست، قازاقستان رەسپۋبليكاسى گۋمانيتارلىق عىلىم اكادەمياسىنىڭ، قازاقستان رەسپۋبليكاسى جۋرناليستيكا اكادەمياسىنىڭ اكادەميگى، ب ا ق سالاسىنداعى قازاقستان رەسپۋبليكاسى پرەزيدەنتى سىيلىعىنىڭ جانە قازاقستان جۋرناليستەر وداعىنىڭ ب. بۇلقىشيەۆ اتىنداعى سىيلىعىنىڭ لاۋرەاتى نۇرتورە بايتىلەس ۇلى ءجۇسىپ 1961 -جىلى 29 - ساۋىردە قىزىلوردا وبلىسىنىڭ شيەلى اۋدانىندا دۇنيەگە كەلدى.

ءال- فارابي اتىنداعى قازاق ۇلتتىق ۋنيۆەرسيتەتىن بىتىرگەن. پاۆلودار وبلىستىق « قىزىل تۋ» گازەتىنىڭ ءتىلشىسى، كولىك جانە كوممۋنيكاتسيالار ءبولىمىنىڭ مەڭگەرۋشىسى، باس رەداكتورىنىڭ ورىنباسارى قىزمەتىن اتقارعان. 1990-1996 -جىلدارى - «ەگەمەن قازاقستان» گازەتى ەكونوميكا ءبولىمىنىڭ مەڭگەرۋشىسى، باس رەداكتورىنىڭ ورىنباسارى. 1996-2002 -جىلدارى - «جاس الاش» گازەتىنىڭ باس رەداكتورى. 2002-2005 -جىلدارى - «اق جول قازاقستان» گازەتىنىڭ باس رەداكتورى. 2005-2006 -جىلدارى - «ەگەمەن قازاقستان» گازەتىنىڭ باس ديرەكتورى. 2006-2008 -جىلدارى - «استانا حابارى» گازەتىنىڭ باس رەداكتورى. 2008 -جىلدىڭ اقپانىنان وسى تاعايىنداۋعا دەيىن ساياسي- قوعامدىق «ايقىن» گازەتىنىڭ باس رەداكتورى بولدى.

ونىڭ «ءبىز كىمنەن كەمبىز»، «قازاقتىڭ قىزى»، «ەلەس پەن بەلەس» اتتى پۋبليتسيستيكالىق جيناقتارى جارىق كورگەن.

«قۇرمەت» وردەنىمەن، مەدالدارمەن ماراپاتتالعان.