سەۋل توكيو وليمپياداسىنا بويكوت جاريالاۋى مۇمكىن
كەي ساراپشىلار توكيومەن جانجالدى ديپلوماتيالىق جولمەن شەشۋدى ۇسىنسا، ەندى بىرەۋلەرى تەكەتىرەستى جالعاستىرۋعا دايىن.
«توبۋرو» پارتياسىنىڭ وكىلى كيم مين سوكتىڭ پىكىرىنشە سەۋل كەلەر جىلى جاپونيادا وتەتىن وليمپيادادان باس تارتۋى ىقتيمال. ال جاپون تانۋشى لي ۆون دوك جانجال ەكى ەلگە دە كوپ شىعىن اكەلەتىنىن ايتادى. مىسالى، ۆيزاسىز ءتارتىپ جويىلىپ، اقشا اۋدارۋ شەكتەلمەك.
ەسكە سالا كەتەيىك، سەۋل مەن توكيو اراسىنداعى ساۋدا سوعىسى شىلدەنىڭ 1-ىندە باستالعان. جاپون ۇكىمەتى الدىمەن وڭتۇستىك كورەيادان اكەلىنەتىن حيميالىق بولشەككە تىيىم سالدى. ال تامىز ايىنىڭ باسىندا بۇل مەملەكەتتى سەنىمدى ساۋدا ارىپتەسى ەلدەرىنىڭ تىزىمىنەن شىعارىپ تاستاعان ەدى.
لي ۆون دوك، كۋنمين ۋنيۆەرسيتەتى جاپون ءبولىمىنىڭ پروفەسسورى:
- كورەيا ۇكىمەتى وتارشىلدىق كەزەڭگە بايلانىستى جاپونيانىڭ كەشىرىمىن قابىل الىپ، ماتەريالدىق وتەماقىدان باس تارتقانى ءجون. سونداي- اق كورەيا ۇكىمەتىنىڭ دە جاپا شەككەندەر ءۇشىن جاۋاپتى ەكەنى تۋرالى ارنايى مالىمدەمە جاساعانى ابزال. بۇل سيندزو ابە ۇكىمەتىنە سوققى بولىپ، ەكى جاقتى قاتىناس تۇبەگەيلى وزگەرەدى. مىسالعا، قىتاي جاپونيادان وتەماقى تالاپ ەتۋدى توقتاتىپ، كۇنشىعىس ەلىمەن بايلانىسىن جاقسارتتى.
كيم مين سوك، دەموكراتيالىق پارتيا وكىلى:
- وسى ماسەلەنىڭ كەسىرىنەن مەملەكەتتىڭ بەدەلى مەن تاعدىرىنا نۇقسان كەلىپ جاتىر. مەنىڭ ويىمشا، بۇل جانجال سيندزو ابەنىڭ بيلىكتەن كەتۋىنە اكەلەدى. ال ءبىز توكيودا وتەتىن وليمپيادا ويىندارىنا بويكوت جاريالايتىن شىعارمىز.
www.24.kz