+7 (701) 759 90 19 Лента
18 °С : نۇر-سۇلتان
13 °С : الماتى
USD 386.80 EUR 429.27
RUB 5.78 CNY 54.89
جاڭالىقتار

شياڭگاڭ پوليتسياسى نارازىلارعا جاس اعىزاتىن گاز شاشتى

12 تامىز 12:29 98
:ءبولىسۋ
شياڭگاڭ پوليتسياسى نارازىلارعا جاس اعىزاتىن گاز شاشتى

نۇر-سۇلتان. قازاقپارات - شياڭگاڭدا جەكسەنبى كۇنى پوليتسيا قالانىڭ ەكى اۋدانىندا كوشەگە شىققان نارازىلاردى تاراتۋ ءۇشىن كوزدەن جاس اعىزاتىن گاز شاشتى.

شياڭگاڭدا سوڭعى ەكى كۇن قاتارىنان جەرگىلىكتى بيلىك كەلىسىم بەرگەن شەرۋلەرمەن بىرگە رۇقسات ەتىلمەگەن نارازىلىق اكسيالارى دا ءوتتى. وعان قاتىسۋشىلار قالا اكىمشىلىگىن جاۋاپقا تارتۋدى جانە دەمونسترانتتارعا پوليتسيانىڭ كۇش قولدانۋىن دوعارۋدى تالاپ ەتتى.

قالاداعى حالىقارالىق اۋەجايدا «شياڭگاڭعا بوستاندىق» ۇرانىمەن ءۇش كۇندىك نارازىلىق جالعاسىپ جاتىر.

شياڭگاڭنىڭ مىڭداعان تۇرعىنى بەيجىڭ ۇسىنعان «قىلمىسقا كۇدىكتىلەردى قىتاي، ماكاو جانە تايپەيگە بەرۋ تۋرالى» زاڭ جوباسىنا قارسىلىق شەرۋلەرىن وتكىزىپ جاتقانىنا ونىنشى اپتا بولدى.

بيلىكتىڭ پايىمداۋىنشا، بۇل زاڭ جوباسى «شياڭگاڭعا قاشىپ، باس ساۋعالايتىن قىلمىسكەرلەردىڭ» سانىن ازايتادى. الايدا نارازىلار «بۇل زاڭ قابىلدانسا، بەيجىڭدى سىناۋشىلار، قىتايداعى قىسىمنان قاشىپ، شياڭگاڭعا كەلگەندەر، ءتىپتى تۋريستەر زارداپ شەگەدى» دەپ سانايدى.

بەيجىڭ شياڭگاڭداعى نارازىلاردى «قىتايدى ۇناتپايتىن» باتىس پەن ا ق ش- قولداپ وتىر دەپ ايىپتادى.

ۇلى بريتانيا شياڭگاڭدى 1997-جىلى قىتايعا قايتارىپ بەرگەن. شياڭگاڭ - قىتايدىڭ ەرەكشە اكىمشىلىك ايماعى بولىپ سانالادى، ءبىراق وندا «ءبىر ەل - ەكى جۇيە» ءپرينتسيپى قولدانىستا. شياڭگاڭنىڭ ءوز زاڭى بار، ازاماتتاردىڭ قۇقىعى قىتايمەن سالىستىرعاندا جاقسى قورعالادى. شياڭگاڭ «قىلمىسكەرلەردى، ءيا كۇدىكتىلەردى ەكستراديتسيالاۋ تۋرالى» 20 ەلمەن كەلىسىم جاساسقان. ولاردىڭ اراسىندا ا ق ش، ۇلى بريتانيا بار. ال قىتاي مەن شياڭگاڭ بۇل كەلىسىمدى 20 جىلدان بەرى تالقىلاپ كەلەدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات