+7 (701) 759 90 19 Лента
14 °С : نۇر-سۇلتان
22 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

الەمدىك ۆەلوسپورت جۇلدىزدارى الماتىعا كەلەدى

12 تامىز 10:16 58
:ءبولىسۋ
الەمدىك ۆەلوسپورت جۇلدىزدارى الماتىعا كەلەدى

الماتى. قازاقپارات - الماتىدا وتەتىن ۆەلوجارىستى الەمنىڭ 60 ەلىنەن كورەرمەندەر تاماشالايتىن بولادى. بۇل تۋرالى قازاقپارات قازاقستان ۆەلوسپورت فەدەراتسياسىنىڭ باسپا ءسوز قىزمەتىنە سىلتەمە جاساپ حابارلايدى.

30- تامىزدا ورتا ازياداعى ەڭ ءىرى ۆەلوجارىس سانالاتىن Tour of Almaty باستالادى. قىسقا ۋاقىتتىڭ ىشىندە جانكۇيەرلەرى مەن تۋريستەر اراسىندا ۇلكەن قىزىعۋشىلىق تۋعىزعان سايىستى «Eurosport» ارناسى ارقىلى الەمنىڭ 60 ەلىندە كورۋگە بولادى.

ۇيىمداستىرۋشىلاردىڭ ايتۋىنشا، ءۇشىنشى رەت وتەتىن حالىقارالىق كاسىبي ۆەلوجارىس ەكى كۇنگە سوزىلماق.

«UCI 2.1 ساناتى بويىنشا قاتىسۋشىلاردىڭ سانى جىلدان جىلعا كوبەيىپ كەلەدى. بيىل ءبىرىنشى كەزەڭ «الماتى ارەنا» مۇز سارايىندا باستالادى. قاتىسۋشىلار 30-تامىزدا جارىسقا شىعىپ، «يندۋستريالىق پارك» اۋماعىمەن 118,6 شاقىرىمدى باسىپ وتەدى. 31- تامىز كۇنى 160 شاقىرىمدىق «Road to Medeu» كەزەڭى باستالادى»، - دەلىنگەن فەدەرتسيانىڭ مالىمەتىندە.

بۇعان دەيىنگى Tour of Almaty جارىستارىنا دات شاباندوزى ياكوب فۋلسانگ پەن يسپاندىق لۋيس لەون سانچەس سەكىلدى جۇلدىزداردىڭ باعى جانعان بولاتىن.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات