قاسىم-جومارت توقايەۆ قازاقستاندىقتاردى قۇربان ايت مەرەكەسىمەن قۇتتىقتادى

نۇر-سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قازاقستاندىقتاردى قۇربان ايت مەرەكەسىمەن قۇتتىقتادى، دەپ حابارلايدى قازاقپارات اقورداعا سىلتەمە جاساپ.

***

قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قۇربان ايت مەرەكەسىمەن قۇتتىقتاۋى

قۇرمەتتى وتانداستار!

كۇللى مۇسىلمان ۇمبەتىن قۇربان ايت مەرەكەسىمەن قۇتتىقتايمىن!

قاسيەتتى قۇربان ايت - مەيىرىمدىلىك پەن قايىرىمدىلىق قۇندىلىقتارىنىڭ تەڭدەسسىز كورىنىسى رەتىندە حالقىمىزدىڭ رۋحاني دۇنيەسىنەن ەرەكشە ورىن الاتىن مەيرام.

يماندىلىقتى وسكەلەڭ ۇرپاقتى تاربيەلەۋ كوزى دەپ سانايتىن مۇسىلمان قاۋىمى وسى كۇنى ىزگى نيەتىمەن يگى ىستەر اتقارىپ، ءوزارا تۇسىنىستىك پەن كەلىسىم رۋحىن نىعايتا تۇسەدى.

بۇل ىنتىماق پەن بىرلىكتى قادىر تۇتىپ، ساقتاپ كەلە جاتقان ەلىمىز ءۇشىن وتە ماڭىزدى.

قاسيەتتى مەيرامدا بارشاڭىزعا زور دەنساۋلىق،

قۇت-بەرەكە تىلەيمىن.

وتانىمىز - قازاقستان رەسپۋبليكاسى وركەندەي بەرسىن!

قاسىم- جومارت توقايەۆ