قازاق از. سولتۇستىككە كوشۋ ءۇشىن نە ىستەۋ كەرەك

نۇرسۇلتان. قازاقپارات – ءشوبى شۇيگىن، تابيعاتى تاماشا قازاقتىڭ كەڭ-بايتاق دالاسىندا قازاقتىڭ قارا دومالاقتارى كوپ بولۋى كەرەك دەيدى.

كەي قازاقتارعا سولتۇستىككە كوشۋ ءۇشىن نە ىستەۋ كەرەك ەكەنىن facebook-تە دينار ناحىپبەك ءتۇسىندىرىپ بەردى، دەپ حابارلايدى Zakon.kz.

ونىڭ جازۋىنشا، جاعداي بىلاي:

جۇمىس ىزدەپ سولتۇستىككە كوشكىڭىز كەلسە، تۇرعىلىقتى جەردەگى جۇمىسپەن قامتۋ ورتالىعىنا بارىپ، كەڭەس الا الاسىز.

مەكەمە ماماندارى سىزگە كەڭەس بەرىپ، كوشىپ بارعىڭىز كەلەتىن سولتۇستىك وڭىردەن جۇمىس قاراستىرادى.

وڭىرمەن تانىسۋ ساپارى، كوشىپ-قونۋ شىعىنى، جۇمىس بەرۋ جانە باسپانامەن قامتۋ ماسەلەسىن تۇگەلدەي كوشىپ باراتىن ءوڭىر ءوز موينىنا الادى.

سىزدەن تەك ءومىرىڭىزدى وزگەرتۋگە دەگەن باتىلدىق قانا تالاپ ەتىلەدى.

تۇركىستان وبلىسىنىڭ اكىمدىگى ۇنەمى ءسىزدىڭ قونىستانعان مەكەنىڭىزدى، جۇمىس ورنىڭىزدى باقىلاۋدا ۇستاپ، بايلانىستا بولادى.

ادام سانى از بولعاندىقتان، سولتۇستىك وڭىرگە وڭتۇستىك جۇرتىن كوپتەپ تارتۋ قاجەت. ءشوبى شۇيگىن، تابيعاتى تاماشا قازاقتىڭ كەڭ- بايتاق دالاسىندا قازاقتىڭ قارا دومالاقتارى كوپ بولۋى ءتيىس!

اقپاراتتى بولىسسەڭىزدەر ەكەن.