قاسىم-جومارت توقايەۆ ا ق ش كونگرەسسمەندەرىن قابىلدادى
كەزدەسۋ بارىسىندا ەكى ەل اراسىنداعى ستراتەگيالىق سەرىكتەستىكتى كەڭەيتۋ ماسەلەلەرى، سونداي-اق ءوڭىردىڭ كۇن تارتىبىندەگى وزەكتى تاقىرىپتار تالقىلاندى.
«ا ق ش - قازاقستاننىڭ تاۋەلسىزدىگىن مويىنداعان العاشقى مەملەكەتتەردىڭ ءبىرى. ءبىز ساۋدا- ەكونوميكالىق، ينۆەستيتسيالىق جانە ەنەرگەتيكالىق سالالاردا تىعىز ىنتىماقتاستىق ورناتتىق. ەلدەرىمىزدىڭ ءوزارا تابىستى
ءىس- قيمىلدارىنىڭ ماڭىزدى باعىتى قارۋسىزدانۋ جانە يادرولىق قارۋدى تاراتپاۋ سالاسى بولىپ تابىلادى»، - دەدى مەملەكەت باسشىسى.
امەريكالىق كونگرەسسمەندەر ق. توقايەۆتى پرەزيدەنتتىك سايلاۋداعى جەڭىسىمەن قۇتتىقتاپ، كوزدەگەن رەفورمالارىنىڭ تابىستى جۇزەگە اسۋىنا تىلەكتەستىك ءبىلدىردى.
كونگرەسسمەندەر قازاقستاننىڭ ورتالىق ازياداعى بەيبىتشىلىكتى، تۇراقتىلىقتى جانە قاۋىپسىزدىكتى نىعايتۋداعى رولىنە جوعارى باعا بەرىپ، اۋعانستاننىڭ الەۋمەتتىك- ەكونوميكالىق جاعدايىن قايتا قالپىنا كەلتىرۋ ىسىندەگى بىرلەسكەن ءىس- قيمىلداردىڭ ماڭىزدىلىعىنا باسا نازار اۋداردى.