+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

اتامبايەۆقا قانداي ايىپ تاعىلۋدا؟

9 تامىز 13:15
:ءبولىسۋ
اتامبايەۆقا قانداي ايىپ تاعىلۋدا؟

نۇر-سۇلتان. قازاقپارات - قىرعىزستاننىڭ بۇرىنعى پرەزيدەنتى المازبەك اتامبايەۆقا جەمقورلىق ءىسى بويىنشا ايىپ تاعىلدى دەپ حابارلايدى ر ي ا نوۆوستي.

زاڭگەر وندا ءالى اقپارات از ەكەنىن اتاپ ءوتتى.

ءبىراق ايىپتاۋدىڭ باتۋكايەۆ ىسىنە، اتاپ ايتقاندا ونىڭ بوساتىلۋىنا قاتىستى ەكەنى بەلگىلى بولعان.

قىلمىستىق ورتادا ۇلكەن بەدەلگە يە ازيز باتۋكايەۆ 13 جىل بۇرىن 17 جىلعا سوتتالعان. وعان بىشكەككە جاقىن ورنالاسقان كولونيالاردىڭ بىرىندە توڭكەرىس ۇيىمداستىردى دەگەن ايىپ تاعىلدى.

وسى قاقتىعىس سالدارىنان دەپۋتات تىنىچبەك اقماتبايەۆ، ۇكىمدەردى ورىنداۋ جونىندەگى باس ديرەكتسيانىڭ باسشىسى يكماتۋللا پولوتوۆ جانە ەكى پارلامەنت قىزمەتكەرى قازا تاپتى.

الايدا، ءدال سول 2013-جىلى ول تۇرمەدەن بوساتىلدى. ايىپتالۋشىعا مەديتسينالىق كوميسسيا سوڭعى ساتىداعى راك دياگنوزىن قويعان. باتۋكايەۆ بوستاندىققا شىققاننان كەيىن جاڭا تولقۇجاتپەن ەلدەن كەتتى.

كەيىنىرەك ونى بوساتۋعا جوعارى لاۋازىمدى شەنەۋنىكتەردىڭ قاتىسقانى انىقتالدى.

بۇل ءىس بويىنشا جالعان دياگنوز قويعان بىرنەشە دارىگەرلەر، پرەمەر-ءمينيستردىڭ بۇرىنعى ورىنباسارى شاميل اتاحانوۆ، ەلدىڭ دەنساۋلىق ساقتاۋ مينيسترلىگىنىڭ بۇرىنعى باسشىسى دينارا ساعىنبايەۆا جانە جازانى ورىنداۋ مەملەكەتتىك قىزمەت ءتوراعاسىنىڭ بۇرىنعى كەڭەسشىسى قالىبەك كاچقىناليەۆ ۇستالدى.

ولارعا بىرنەشە ايىپ تاعىلدى.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات