+7 (701) 759 90 19
8 °С : نۇر-سۇلتان
9 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

پويىز جولسەرىگى ەلورداعا اسا ءىرى كولەمدە ەسىرتكى تاسىمالداپ كەلگەن

9 تامىز 12:59
:ءبولىسۋ
پويىز جولسەرىگى ەلورداعا اسا ءىرى كولەمدە ەسىرتكى تاسىمالداپ كەلگەن

نۇر-سۇلتان. قازاقپارات - ەلوردانىڭ كولىك پوليتسياسى اسا ءىرى كولەمدە ەسىرتكى تاسىمالداعان جولسەرىكتى ۇستادى، دەپ حابارلايدى قازاقپارات كولىك پوليتسياسى دەپارتامەنتىنىڭ باسپا ءسوز قىزمەتىنە سىلتەمە جاساپ.

«9- ناۋرىز كۇنى ساعات 6:10 دا كولىك پوليتسياسى دەپارتامەنتىنىڭ قىزمەتكەرلەرى نۇر-سۇلتان قالاسىنىڭ تەمىرجول ۆوكزالىندا جەدەل-ىزدەستىرۋ شارالارىن جۇرگىزۋ بارىسىندا» قىزىلوردا-كوكشەتاۋ» باعىتىنداعى پويىز جولسەرىگى - قىزىلوردا وبلىسىنىڭ 43 جاستاعى تۇرعىنىن ۇستادى. تەرگەۋ سوتى سانكسيالاعان جەكە ءتىنتۋ بارىسىندا اسا ءىرى كولەمدە ەسىرتكى تاسىمالداعانى ءۇشىن العان 80000 تەڭگە قاراجات تابىلدى. ءسال كەيىن كۇدىكتى سومكەنى كۇتىپ الاتىن ادامدى ىزدەستىرۋ شارالارىنىڭ ناتيجەسىندە، 1982-جىلى تۋعان ەر ادام ۇستالدى. ونىڭ جەكە زاتتارىنان ساراپتاماعا سايكەس، 3742 گرام «كەپتىرىلگەن ماريحۋانا» ەسىرتكىلىك زاتى تابىلدى»، - دەلىنگەن دەپارتامەنت حابارلاماسىندا.

اسا ءىرى كولەمدە ەسىرتكى زاتىن تابۋ فاكتىسى بويىنشا ەكى كۇدىكتىگە قاتىستى سوتقا دەيىنگى تەرگەۋ جۇمىستارى سول كۇنى باستالدى. ولارعا ق ر قىلمىستىق كودەكسىنىڭ 296-بابى، 4-بولىگى جانە 297-بابى، 2-بولىگى بويىنشا ايىپ تاعىلدى.

تەرگەۋ اياسىندا 43 جاستاعى ەر ادامنىڭ قىزمەتتىك وكىلەتتىگىن پايدالانىپ، قىزىلوردا وبلىسىنان ەلورداعا بىرنەشە رەت ەسىرتكى زاتتارىن تاسىعانى انىقتالدى. نۇر-سۇلتان قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن سوتتالۋشى ق ر ق ك 296-بابى، 4-بولىگى بويىنشا ايىپتى دەپ تانىلىپ، 4 جىلعا باس بوستاندىعىنان ايىرىلدى.

قىلمىستىق ءىستىڭ ەكىنشى فيگۋرانتى ق ر ق ك 296-بابى، 4-بولىگى بويىنشا 3 جىلعا اباقتىعا قامالدى.


باستى سوزدەر: قوعام, زاڭ جانە قۇقىق ,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات