+7 (701) 759 90 19 Лента
13 °С : نۇر-سۇلتان
13 °С : الماتى
USD 385.96 EUR 423.78
RUB 6.03 CNY 54.16
جاڭالىقتار

بىشكەكتە ميليتسيا اتامبايەۆتىڭ جاقتاستارىن كۇشپەن تاراتتى

9 تامىز 11:33
:ءبولىسۋ
بىشكەكتە ميليتسيا اتامبايەۆتىڭ جاقتاستارىن كۇشپەن تاراتتى

نۇر-سۇلتان. قازاقپارات - قىرعىز ميليتسياسى 9- تامىزعا قاراعان ءتۇنى بىشكەكتە بۇرىنعى پرەزيدەنت المازبەك اتامبايەۆتىڭ جاقتاستارىن تاراتۋ ءۇشىن جاس اعىزاتىن گاز شاشىپ، پيروتەحنيكالىق گرانات قولداندى.

قىرعىزستاندىق «اپرەل» جەكەمەنشىك تەلەارناسى وقيعا ورنىنان تىكەلەي ترانسلياتسيا جۇرگىزدى.

ب ا ق- تىڭ حابارلاۋىنشا، شەرۋگە شىققاندار جۋرناليستەرگە تاس لاقتىرعان. قۇقىق قورعاۋ ورگانى قىزمەتكەرلەرى نارازىلاردى ورتالىق الاڭنان كورشى كوشەلەرگە ىعىستىرىپ تاستاعان.

بۇعان دەيىن 62 جاستاعى المازبەك اتامبايەۆ جۇرتتى بىشكەكتە مەرزىمسىز شەرۋگە شىعۋعا شاقىرعان.

8- تامىزدا قىرعىز ميليتسياسى ەلدىڭ بۇرىنعى پرەزيدەنتى المازبەك اتامبايەۆتى بىشكەكتىڭ ىگرەسىندەگى كوي-تاش اۋىلىنداعى ۇيىنەن ۇستاپ اكەتكەن. ارنايى جاساق ەكس-پرەزيدەنت پەن جاقتاستارى بەكىنگەن ۇيگە باسىپ كىرگەن. ەكى جاق اراسىنداعى كەلىسسوزدەردەن كەيىن اتامبايەۆ بەرىلگەن. اۋىلدان شىعار جولدى بوگەگەن اتامبايەۆتىڭ جاقتاستارى ونى اكەتىپ بارا جاتقان كولىكتى شىعارماۋعا تىرىسىپ، ميليتسيا وكىلدەرىنە تاس لاقتىردى دەپ حابارلادى ازاتتىقتىڭ قىرعىز قىزمەتىنىڭ ءتىلشىسى.

قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ ارنايى جاساعى اتامبايەۆتى تەرگەۋگە ماجبۇرلەپ جەتكىزۋ ءۇشىن 7- تامىز كەشكىسىن كوي-تاشتاعى ۇيىنە بارعان. ول كەزدە كۇشتىك قۇرىلىمدار المازبەك اتامبايەۆتى ۇيىنەن اكەتە العان جوق. وپەراتسيا كەزىندە «الفا» ارنايى جاساعىنىڭ مۇشەسى ۋسەن نيازبەكوۆ ​قازا تاپقان.

قىرعىزستان دەنساۋلىق ساقتاۋ مينيسترلىگىنىڭ مالىمەتىنشە، 1- جانە 8- تامىز كۇندەرى 98 ادام دارىگەر كومەگىنە جۇگىنگەن. قاقتىعىستار كەزىندە زارداپ شەككەن كۇش قۇرىلىمدارىنىڭ 11 قىزمەتكەرى اسكەري گوسپيتالگە، تاعى 13 ادام اۋرۋحاناعا جاتقىزىلعان. 83 ادامدى امبۋلاتوريالىق ەم قابىلداۋعا جىبەرگەن.

بۇعان دەيىن قىرعىزستان تەرگەۋ ورىندارى اتامبايەۆتان 2013-جىلى كانىگى باۋكەسپەنى تۇرمەدەن زاڭسىز بوساتۋ تۋرالى قوزعالعان قىلمىستىق ءىس بويىنشا كۋاگەر رەتىندە جاۋاپ الماقشى بولىپ ءۇش مارتە شاقىرتقان. اتامبايەۆ تەرگەۋ ورىندارىنا بارۋدان باس تارتقان. 27- ماۋسىمدا قىرعىز پارلامەنتى ەلدىڭ بۇرىنعى پرەزيدەنتى المازبەك اتامبايەۆتى تيىسپەۋشىلىك مارتەبەسىنەن ايىرىپ، كەيىن وعان جەمقورلىق ايىبى تاعىلعان.

8- تامىزدا پارلامەنتتىڭ كەزەكتەن تىس وتىرىسىندا قىرعىزستان پرەزيدەنتى سوورونباي جەەنبەكوۆ «اتامبايەۆ ەندى اۋىر قىلمىسقا كۇدىكتى سانالادى» دەپ مالىمدەگەن.



باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات