+7 (701) 759 90 19 Лента
28 °С : نۇر-سۇلتان
28 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

المازبەك اتامبايەۆ تەرگەۋ يزولياتورىنا قامالدى

9 تامىز 10:57
:ءبولىسۋ
المازبەك اتامبايەۆ تەرگەۋ يزولياتورىنا قامالدى

بىشكەك. كابار-قازاقپارات - قىرعىز رەسپۋبليكاسىنىڭ ەكس-پرەزيدەنتى المازبەك اتامبايەۆقا بۇلتارتپاۋ شاراسى قولدانىلدى، دەپ حابارلايدى قازاقپارات «كابار» اگەنتتىگىنە سىلتەمە جاساپ.

«المازبەك اتامبايەۆ 26- تامىزعا دەيىن قاماۋعا الىندى»، - دەپ ءمالىم ەتتى پەرۆوماي اۋداندىق سوتىنان. ەلدىڭ بۇرىنعى باسشىسى مەملەكەتتىك ۇلتتىق قاۋىپسىزدىك كوميتەتىنىڭ تەرگەۋ يزولياتورىندا بولادى.

ەسكە سالايىق، 8- تامىز كۇنى كەشقۇرىم قىرعىزستاننىڭ ىشكى ىستەر مينيسترلىگى اتامبايەۆتىڭ ۇستالعانىن رەسمي حابارلاعان بولاتىن.

7- تامىز كۇنى ا. اتامبايەۆتىڭ قوي-تاش اۋىلىنداعى ۇيىندە اتىس بولدى. ارنايى وپەراتسيا سالدارىنان بىشكەك قالاسى مەن شۋ وبلىستىق بىرىككەن اۋرۋحانالارىنا ءتۇرلى جاراقاتپەن 45 ادام ءتۇستى. شۋ وبلىستىق ىشكى ىستەر باس باسقارماسىنىڭ باسشىسى سامات قۇرمانقۇلوۆ اۋىر حالدە جاتىر. ارنايى جاساق قۇرامىنداعى ءبىر ادام كوز جۇمدى.

ءمالىم ەتىلگەندەي، قۇقىق قورعاۋ ورگاندارى تاراپىنان ازاماتتارعا قاتىستى اتىس قارۋى قولدانىلعان جوق. قارۋ ا. اتامبايەۆتىڭ جاقتاستارى تاراپىنان اتىلعان.

اتامبايەۆتىڭ ۇيىندە بولعان وقيعالاردان كەيىن قىرعىزستاننىڭ باس پروكۋراتۋراسى «جاپپاي تارتىپسىزدىكتەر»، «بۇزاقىلىق»، «ادام ءولتىرۋ»، «ادامدى كەپىلگە الۋ» باپتارىمەن سوتقا دەيىنگى تەرگەۋ امالدارىن باستاعانىن مالىمدەدى. دەگەنمەن، ەل استاناسىنداعى جاعداي تۇراقتى ەكەنى اتاپ ءوتىلدى.

ايتا كەتسەك، 8- تامىزدا قىرعىزستانعا شولپان اتادا وتەتىن ە ا ە و ەلدەرىنىڭ ۇكىمەت باسشىلارى كەزدەسۋىنە (9- تامىز) رەسمي دەلەگاتسيالار كەلە باستادى. «ەلدەگى وقيعالارعا قاراماستان، ەۋرازيا ۇكىمەتارالىق كەڭەسى بەلگىلەنگەن ۋاقىتىندا وتەدى»، - دەپ مالىمدەدى قىرعىز رەسپۋبليكاسى پرەمەر-ءمينيسترىنىڭ باسپا ءسوز حاتشىسى ادىلەت سۇلتاناليەۆ.

سونداي-اق 8- تامىزدا جوگوركۋ كەنەشتىڭ كەزەكتەن تىس وتىرىسى ءوتىپ، وندا ەل پرەزيدەنتى سوورونباي جەەنبەكوۆ بيلىك «حالىقتىڭ بولىنۋىنە، تۇراقسىزدىقتىڭ ورناۋىنا جول بەرمەيتىنىن» ءمالىم ەتتى.

«اتامبايەۆتىڭ تارابى اتىس قارۋىن قولدانعانىنا قاراماستان، ارنايى كۇشتەر اتىس پاتروندارىن پايدالانعان جوق»، - دەدى ول.

«ەگەر كەشەگى كۇنگە دەيىن اتامبايەۆتى تەرگەۋگە كۋاگەر رەتىندە شاقىرسا، ەندى وعان اسا اۋىر قىلمىس جاساعانى ءۇشىن كۇدىكتى رەتىندە قارايتىن بولادى»، - دەدى جەەنبەكوۆ.

بۇدان بولەك، پارلامەنت وتىرىسىندا دەپۋتات مىكتىبەك ابدىلدايەۆ اتامبايەۆتىڭ ۇيىنە شابۋىل جاساۋ كەزىندە تۇتقىنعا الىنعان ارنايى جاساق قىزمەتكەرلەرى بوساتىلعانىن حابارلادى.

ايتا كەتسەك، بۇعان دەيىن جوگوركۋ كەنەش ەلدىڭ ەكس-پرەزيدەنتىنەن قول سۇقپاۋشىلىق مارتەبەسىن الىپ تاستاۋ تۋرالى شەشىم قابىلداعان بولاتىن. اتامبايەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسيا قۇرىلدى. كوميسسيا جۇمىسىنىڭ ناتيجەسىندە وعان 6 ەپيزود بويىنشا ايىپ تاعۋ شەشىمى قابىلداندى. الايدا باس پروكۋراتۋرا كوميسسيانىڭ جۇمىسىن زاڭ تۇرعىسىنان باعالاي كەلە، تەك بەس ەپيزودتى قالدىردى.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات