+7 (701) 759 90 19 Лента
22 °С : نۇر-سۇلتان
22 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

رەسەيدەگى بوكس كەشى: ەكى قازاقستاندىق جەكپە-جەكتەرىن وتكىزبەيتىن بولدى

9 تامىز 10:34
:ءبولىسۋ
رەسەيدەگى بوكس كەشى: ەكى قازاقستاندىق جەكپە-جەكتەرىن وتكىزبەيتىن بولدى

نۇر-سۇلتان. قازاقپارات - رەسەيدىڭ چەليابى قالاسىندا وتەتىن سەرگەي كوۆاليەۆ (33-3-1، 28 ك و) - ەنتوني يارد (18-0، 17 ك و) بوكس كەشىنىڭ اياسىندا جۇدىرىقتاسۋى ءتيىس بولعان ەكى قازاقستاندىق سپورتشى رينگكە شىقپايتىنى حابارلاندى.

الداعى 24- تامىز كۇنى چەليابى قالاسىندا بوكس كەشى ءوتىپ، ونىڭ باستى ايقاسىندا رەسەيلىك سەرگەي كوۆاليەۆ پەن بريتاندىق ەنتوني يارد كەزدەسەدى. ونىڭ اندەركارتىندا قازاقستاندىق ەكى بوكسشى: اسا اۋىر سالماقتاعى جان كوسوبۋتسكي (10-0، 6 ك و) مەن ەكىنشى جارتىلاي جەڭىل سالماقتاعى ستانيسلاۆ كاليتسكي (8-0، 3 ك و) جەكپە-جەك وتكىزۋى ءتيىس ەدى.

ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا جازىلعانداي، ج. كوسوبۋتسكيدىڭ كەزدەسۋى وتپەيتىندىگى كەشە بەلگىلى بولعان.

«تامىز ايىنداعى چەليابينسك - بولمايدى. مەنىمەن جۇدىرىقتاسۋدان باس تارتتى. سوندىقتان رينگكە قىركۇيەكتىڭ ورتاسىندا برەستتە شىعۋدى جوسپارلاپ وتىرمىن. ءبىراق ناقتى داتاسى ءالى بەلگىسىز»، - دەدى بوكسشىنىڭ ءوزى.

سونداي-اق ستانيسلاۆا كاليتسكيدىڭ رينگكە شىعاتىن ۋاقىتى اياق-استى وزگەرىپ كەتكەن. بۇعان دەيىن BoxRec.com بەلدى پورتالى ونىڭ كەلەسى جەكپە-جەگى 24- تامىز كۇنى چەليابىدە كوۆاليەۆ-يارد بوكس كەشىنىڭ اياسىندا وتەتىنىن حابارلاعان بولاتىن. ەندىگىدە، قازاقستاندىقتىڭ رينگكە شىعاتىن ۋاقىتى مەن جەرى - «7- قىركۇيەك، ەكاتەرينبۋرگ» دەپ جازىلعان. ونىڭ قارسىلاسى وزگەرگەن جوق. ول - رەسەيلىك ۆلاديسلاۆ كراسنوشەين (7-0-1، 2 ك و). ايقاس ۋاقىتىنىڭ وزگەرۋى نەمەن بايلانىستى ەكەنى بەلگىسىز.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات