+7 (701) 759 90 19
-2 °С : نۇر-سۇلتان
7 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

مەملەكەتتىك كىرىستەر كوميتەتى «قاپلانبەك» كەدەن بەكەتىندەگى جاعدايعا الاڭداۋلى

9 تامىز 08:31
:ءبولىسۋ

تۇركىستان. قازاقپارات – ق ر قارجى مينيسترلىگىنە قاراستى مەملەكەتتىك كىرىستەر كوميتەتى تۇركىستان وبلىسىنداعى «قاپلانبەك» كەدەن بەكەتىندە ءبىرقاتار كەمشىلىكتەردى انىقتادى.

بۇل تۋرالى مەملەكەتتىك كىرىستەر كوميتەتىنىڭ باسپا ءسوز قىزمەتى حابارلادى.

باسپا ءسوز مالىمەتتەرىنە قاراعاندا، قازاقستان رەسپۋبليكاسى ساۋدا جانە ينتەگراتسيا ۆيتسە-ءمينيسترى ازامات اسقار ۇلى، قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى مارات سۇلتانعازيەۆتىڭ مەملەكەتتىك جەرگىلىكتى باسقارۋ ورگاندارىنىڭ باسشىلارىمەن جانە وزبەكستانعا اعاش ەكسپورتتاۋمەن اينالىساتىن تاسىمالداۋشىلارمەن جۇمىس كەزدەسۋى تۇركىستان وبلىسىنىڭ «قاپلانبەك» كەدەن بەكەتىنىڭ اۋماعىندا ءوتتى.

جيىندا بۇعان دەيىن بۇقارالىق اقپارات قۇرالدارىندا جاريالانعان تاسىمالداۋشىلاردىڭ نارازىلىعىنا قاتىستى، ناقتىراق ايتقاندا كولىكتەردىڭ تۇراقتاردا ۇزاق تۇرۋى، كەدەن ورگاندارىنىڭ ءىس-ارەكەتتەرىنە قاتىستى ماسەلەلەر تالقىلاندى.

«قاپلانبەك» كەدەن بەكەتىنىڭ اۋماعىندا جۇمىس ىستەيتىن جەكە اۆتوتۇراقتى تەكسەرۋ كەزىندە وندا قاجەتتى ينفراقۇرىلىم، تاماقتانۋ پۋنكتتەرى، تۇرۋ جانە اۆتوكولىكتەرگە قىزمەت كورسەتۋ ستانتسيالارى جوق ەكەندىگى انىقتالدى.

تاسىمالداۋشىلارمەن اڭگىمەلەسۋ كەزىندە اۆتوكولىكتەردىڭ توقتاپ قالۋىنىڭ ناقتى سەبەپتەرى كوبىنە كولىك يەلەرىنڭ تاۋار تاسىمالداۋ قۇجاتتارىنىڭ بولماۋىنان، اۆتوكولىكتەردىڭ اۆتوتۇراقتان شىعۋ كەزىندەگى قوزعالىستىڭ دۇرىس ۇيىمداستىرىلماعانى بەلگىلى بولدى.

«جىبەك جولى»، «اتامەكەن»، «ب. قونىسبايەۆ»، «قازىعۇرت» وتكىزۋ بەكەتتەرىندە دە وسىعان ۇقساس ماسەلەلەر بار.

كەزدەسۋدىڭ قورىتىندىسى بويىنشا، تۇركىستان وبلىسى بويىنشا مەملەكەتتىك كىرىستەر دەپارتامەنتىنە وتكىزۋ پۋنكتتەرىنىڭ وتكىزۋ قابىلەتىن ارتتىرۋ، سونىڭ ىشىندە كەدەندىك راسىمدەردى جەدەلدەتۋ بويىنشا جەدەل شارالاردى قابىلداۋ تاپسىرىلدى. زاڭسىز كاسىپكەرلىك قىزمەت ءۇشىن اۆتوتۇراقتارعا قاتىستى تەكسەرۋ جۇمىستارى جۇرگىزىلمەك.

ءوز كەزەگىندە، تۇركىستان وبلىسىنىڭ اكىمدىگىنە كولىك تۇراقتارىن ۇيىمداستىرۋ، كەرەكتى الەۋمەتتىك-تۇرمىستىق جاعدايلاردى جاساۋ بويىنشا ۇسىنىستار بەرىلدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات