قازاقستاننىڭ ۇزدىك اۋرۋحانالارى انىقتالدى

نۇر-سۇلتان. قازاقپارات - مەديتسينالىق ساقتاندىرۋ قورى قازاقستاننىڭ مەديتسينالىق ۇيىمدارىنىڭ رەيتينگىن جاسادى.

مەملەكەتتىڭ تاپسىرىسى بويىنشا حالىققا 1404 مەكەمە قىزمەت كورسەتەدى ەكەن.

- سەرىكتەستىكتىڭ باستى شارتى - تۇرعىندارعا كورسەتىلەتىن مەديتسينالىق كومەكتىڭ ساپاسى مەن كولەمىن ءجىتى قاداعالاپ وتىرۋ. باقىلاۋدى تىكەلەي قور وتكىزەدى.

ناۋقاستاردى ەمدەۋ نە تەكسەرۋ ساپاسى مەديتسينالىق ۇيىمنىڭ جەكە نەمەسە مەملەكەتتىك بولعانىنا قاراماستان بىردەي بولۋى ماڭىزدى، - دەلىنگەن مەديتسينالىق ساقتاندىرۋ قورىنىڭ حابارلاماسىندا.

2019 -جىلدىڭ العاشقى جارتىجىلدىعىندا مەديتسينالىق ساقتاندىرۋ قورى مەملەكەتتىك تاپسىرىس بويىنشا جۇمىس ىستەيتىن مەديتسينالىق ۇيىمداردىڭ قاداعالادى. ماماندار مەديتسينالىق كومەك كەزىندە 218 مىڭ اۋىتقۋشىلىقتى انىقتاعان.

- مەديتسينالىق كومەكتىڭ ساپاسىن باقىلاۋ قورىتىندىسى بويىنشا ستاتسيونارلى جانە ستانتسيوناردى الماستىراتىن مەديتسينالىق مەكەمەلەردىڭ رەيتينگىن تۇزدىك. ءتىزىم ۇيىمداردىڭ ناتيجيە كوەففيتسيەنتىنە بايلانىستى جاسىل، سارى جانە قىزىل ءۇش ايماققا ءبولىندى. 58 مەديتسينالىق مەكەمە قىزىل ايماققا ءىلىندى، - دەپ اتاپ ءوتتى م س ق.

باقىلاۋ بارىسىندا قوستاناي قالالىق اۋرۋحاناسى، بالقاش ورتالىق اۋرۋحاناسى، نۇر-سۇلتان ورتالىق جول ەمحاناسى مەن تەكەلى قالالىق اۋرۋحاناسىندا ءبىرقاتار كەمشىلىكتەر تابىلدى. مەديتسينالىق ساقتاندىرۋ قورى بۇل كەمشىلىكتەر ءۇشىن قارجىلاندىرۋ كولەمىن ازايتادى. جارتى جىلدا يگەرىلمەگەن 2,8 ميلليارد تەڭگە نەگىزگى باعىتتار بويىنشا مەديتسينالىق ۇيىمدار اراسىندا ۇلەستىرىلەدى. - ناتيجەلى ءارى ساپالى جۇمىس ىستەيتىن مەردىگەرلەردىڭ تىزىمىنە 98 مەديتسينالىق ۇيىم ەندى.

ساراپتاما قورىتىندىسى ولاردىڭ %70 جەكەمەنشىك كلينيكا ەكەنىن انىقتاعان. ال ۇزدىكتەرى مىنالار: شىمكەنتتەگى كوز اۋرۋلارى عىلىمي-زەرتتەۋ ينستيتۋتى، جامبىل تەمىرجول اۋرۋحاناسى، تۇلكىباس ورتالىق اۋداندىق اۋرۋحاناسى، رەسپۋبليكالىق بالالاردى وڭالتۋ ورتالىعى مەن ۇلتتىق مەديتسينالىق ۋنيۆەرسيتەتى، - دەدى مەديتسينالىق ساقتاندىرۋ قورى ءتوراعاسىنىڭ ورىنباسارى ەريك ءبايجۇنىسوۆ.

كورسەتىلەتىن قىزمەتتىڭ ساپاسىن كوتەرۋ ءۇشىن مەديتسينالىق ساقتاندىرۋ قورى جاسىل ايماقتاعى مەردىگەرلەردى ىنتالاندىرىپ، ال قىزىل ايماقتاعىلارعا شارا قولدانۋدى جوسپارلاپ وتىر. - بولاشاقتا مەديتسينالىق كومەكتىڭ ساپاسى كلينيكامەن كەلىسىمشارتقا وتىراردا نازارعا الىناتىن بولادى.

مەديتسينالىق ساقتاندىرۋ قورى ناۋقاستىڭ مۇددەسى ءۇشىن مەديتسينالىق كومەكتى ساتىپ الاتىندىقتان ولاردىڭ قۇقىعىن ءبىلۋى مەن زاڭسىز جاعدايلاردى حابارلاۋى ماڭىزدى، - دەلىنگەن مەديتسينالىق ساقتاندىرۋ قورىنىڭ حابارلاماسىندا.

Massaget.kz