USD 433.3 EUR 464.19
RUB 6.48 CNY 64.56
جاڭالىقتار

قىرعىزستان پرەزيدەنتى: ءبىز حالىقتىڭ بولىنۋىنە، تۇراقسىزدىق ورناۋىنا جول بەرمەيمىز

8 تامىز 22:32
:ءبولىسۋ
قىرعىزستان پرەزيدەنتى: ءبىز حالىقتىڭ بولىنۋىنە، تۇراقسىزدىق ورناۋىنا جول بەرمەيمىز

بىشكەك. كابار- قازاقپارات - «ءبىز حالىقتىڭ بولىنۋىنە، تۇراقسىزدىق ورناۋىنا جول بەرمەيمىز»، دەپ مالىمدەدى قىرعىزستان پرەزيدەنتى سوورونباي جەەنبەكوۆ پارلامەنتتىڭ كەزەكتەن تىس وتىرىسىندا.

بۇل تۋرالى «كابار» اگەنتتىگى حابارلادى.

ونىڭ ايتۋىنشا، ەلدە زاڭدىلىق، بەيبىتشىلىك پەن قاۋىپسىزدىك ۇستەمدىك ەتۋى ءۇشىن بارلىق شارالار قولدانىلادى.

«اتامبايەۆتىڭ تارابى اتىس قارۋىن قولدانعانىنا قاراماستان، ارنايى كۇشتەر اتىس پاتروندارىن پايدالانعان جوق»، - دەپ اتاپ ءوتتى قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ بۇگىن، 8 -تامىزدا جوگوركۋ كەنەشتىڭ كەزەكتەن تىس وتىرىسىندا.

مەملەكەت باسشىسى جاعدايدى ۋشىقتىرۋعا جول بەرمەۋ ءۇشىن شارالار مەن رەزەڭكە وقتار قولدانىلعانىن ەرەكشە اتاپ ءوتتى.

«ەگەر كەشەگى كۇنگە دەيىن اتامبايەۆتى تەرگەۋگە كۋاگەر رەتىندە شاقىرسا، ەندى وعان اسا اۋىر قىلمىس جاساعانى ءۇشىن كۇدىكتى رەتىندە قارايتىن بولادى»، - دەدى جەەنبەكوۆ.

سونداي-اق، كەشە اتامبايەۆتىڭ ۇيىنە شابۋىل جاساۋ كەزىندە تۇتقىنعا الىنعان ارنايى قىزمەت قىزمەتكەرلەرى بوساتىلدى. بۇل تۋرالى پارلامەنتتىڭ وتىرىسىندا دەپۋتات مىكتىبەك ابدىلدايەۆ حابارلادى.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات