USD 424.84 EUR 453.6
RUB 7.3 CNY 63.91
جاڭالىقتار

قاسىم-جومارت توقايەۆ قىرعىز پرەزيدەنتى سوورونباي جەەنبەكوۆپەن تەلەفون ارقىلى سويلەستى

8 تامىز 18:45
:ءبولىسۋ
قاسىم-جومارت توقايەۆ قىرعىز پرەزيدەنتى سوورونباي جەەنبەكوۆپەن تەلەفون ارقىلى سويلەستى

نۇر-سۇلتان. قازاقپارات - بۇگىن قازاقستان رەسپۋبليكاسى پرەزيدەنتى قاسىم-جومارت توقايەۆ قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.

«مەملەكەتتەر باسشىلارى ەكىجاقتى ىنتىماقتاستىقتىڭ وزەكتى ماسەلەلەرىن، سونداي-اق قازاقستان پرەزيدەنتىنىڭ بيىلعى كۇزگە جوسپارلانعان بىشكەككە ساپارىنىڭ اياسىندا قازاق- قىرعىز قاتىناستارىن ودان ءارى ارتتىرۋعا باعىتتالعان الداعى ءوزارا ءىس-قيمىلداردى تالقىلادى»، دەلىنگەن حابارلامادا.

قاسىم-جومارت توقايەۆ باۋىرلاس قىرعىز حالقىنا بەيبىتشىلىك، تىنىشتىق جانە بەرەكە تىلەدى.

ايتا كەتەرلىگى، بۇعان دەيىن مەملەكەت باسشىسى باۋىرلاس كورشى ەلدەگى احۋالدى قىرعىز رەسپۋبليكاسىنىڭ ىشكى شارۋاسى دەپ ەسەپتەيتىندىگىن جانە جاعداي جۋىق ارادا ەلدىڭ قولدانىستاعى زاڭى اياسىندا شەشىلەتىنىنە ۇمىتتەنەتىندىگىن جەتكىزگەن ەدى.

ەسكە سالايىق، كەشە قىرعىز رەسپۋبليكاسىنىڭ مەملەكەتتىك ۇلتتىق قاۋىپسىزدىك كوميتەتىنىڭ ارنايى جاساعى ەلدىڭ بۇرىنعى پرەزيدەنتى المازبەك اتامبايەۆتى قوي-تاش اۋىلىنداعى ۇيىندە ۇستاۋ وپەراتسياسىن جۇرگىزگەنى حابارلاندى.

كەيىن اتىس بولعانى ءمالىم ەتىلىپ، شۋ وبلىستىق ءى ءى ب ب-نىڭ جەدەل تەرگەۋ توبى ميليتسياعا تۇسكەن قوڭىراۋ بويىنشا وقيعا ورنىنا اتتاندى. سول جەردە 45 ادام زارداپ شەككەن. تۇنگى ساعات 03:00-دەگى جاعداي بويىنشا، ولار بىشكەك قالاسى مەن شۋ وبلىستىق بىرىككەن اۋرۋحانالارىنا ءتۇرلى جاراقاتپەن جەتكىزىلگەن.

ايتا كەتسەك، بۇعان دەيىن جوگوركۋ كەنەش ەلدىڭ ەكس-پرەزيدەنتىنەن قول سۇقپاۋشىلىق مارتەبەسىن الىپ تاستاۋ تۋرالى شەشىم قابىلداعان بولاتىن. اتامبايەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسيا قۇرىلدى. كوميسسيا جۇمىسىنىڭ ناتيجەسىندە وعان 6 ەپيزود بويىنشا ايىپ تاعۋ شەشىمى قابىلداندى. الايدا باس پروكۋراتۋرا كوميسسيانىڭ جۇمىسىن زاڭ تۇرعىسىنان باعالاي كەلە، تەك بەس ەپيزودتى قالدىردى.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات