USD 429.57 EUR 447.35
RUB 6.94 CNY 63.23
جاڭالىقتار

كەدەن قويمالارىنداعى قىمبات كولىكتەر مەن ۇشاقتار ساتىلماي تۇر

8 تامىز 20:12
:ءبولىسۋ
كەدەن قويمالارىنداعى قىمبات كولىكتەر مەن ۇشاقتار ساتىلماي تۇر

نۇر-سۇلتان. قازاقپارات - قازاقستانداعى كەدەن قويمالارىندا ءبىرقاتار اۆتوكولىك پەن ۇشۋ اپپاراتى «تۇرىپ قالعان»، دەپ حابارلايدى قازاقپارات ءتىلشىسى.

«ۇستالعان تاۋارلاردى وتكىزۋگە جاۋاپتى ءارى اكتيۆتەردى وڭالتۋ بويىنشا كومپانيالار تاۋارلاردىڭ قۇنىن ايقىنداي الماي جاتادى. وسىعان بايلانىستى كەيبىر تاۋارلار كەدەن قويمالارىندا ءالى جاتىر»، - دەدى سىبايلاس جەمقورلىققا قارسى كۇرەس اگەنتتىگىنىڭ الدىن الۋ دەپارتامەنتىنىڭ باسشىسى انار جاروۆا ۆەدومستۆودان وتكەن جيىندا.

دەپارتامەنت باسشىسى ناقتى مىسالداردى كەلتىردى.

«ماسەلەن، قاراعاندى وبلىسىنداعى قويمادا 2014 -جىلدىڭ اقپان ايىنان بەرى سلوۆەنيالىق وندىرىستەگى ءۇش بىردەي ۇشاتىن اپپارات تۇر. اتالعان تاۋاردىڭ بەس جىل بويى تۇرىپ قالۋىنا باعاسىنىڭ ايقىندالماۋى سەبەپ بولعان. سەبەبى، نارىقتا وعان ۇقساس تاۋار جوقتىڭ قاسى»، - دەدى ول.

سول سەكىلدى باسقا كەدەن قويمالارىندا باعاسىن بىلمەۋدىڭ سالدارىنان Mercedes Daimler، BMW 740, Toyota Tundra جانە Nissan Titan اۆتوكولىكتەرى تۇرعان كورىنەدى.

«ۇستالعان تاۋارلاردى پايدالانۋ نەمەسە جويۋعا كەلەتىن بولساق، ول ءۇشىن مەملەكەتتىك كىرىستەر ورگانداردارىندا ارنايى كوميسسيا بولۋى ءتيىس. ول كوميسسيا ۇستالعان تاۋارلاردى پايدالانۋ نەمەسە جويۋ ماسەلەسىن قاراستىرۋى كەرەك. مۇنداي كوميسسيالار وبلىستاردىڭ كوبىندە قۇرىلعان دا جوق. ال كوميسسيا بار وبلىستاردا تيپتىك ەرەجەلەرى جوق، جويۋ تارتىپتەرى رەتكە كەلتىرىلمەگەن»، - دەدى انار جاروۆا.

سونىمەن قاتار، دەپارتامەنت باسشىسى كەيبىر تاۋارلاردى جويۋ باعىتىندا تەوريا مەن پراكتيكا ءبىر-بىرىنە سايكەسە بەرمەيتىنىن دە جەتكىزدى.

«ءىس جۇزىندە جويىلسىن دەپ شەشىلگەن تاۋارلار جويىلمايدى. سەبەبى، كەدەن ورگاندارى بۇل ماقساتتا اقشا قاراستىرمايدى. وسىلايشا، ۇستالعان تاۋارلاردىڭ رەتى بويىنشا بەكىتىلگەن زاڭدى مەحانيزمدى ورگانداردىڭ ءوزى ۇستانبايدى. كەدەن قويمالارىندا تاۋارلاردىڭ ۇزاق ۋاقىت بويى جاتا بەرۋى دە سودان»، - دەپ ءتۇيدى ول.

ەسكە سالا كەتسەك، بۇعان دەيىن سىبايلاس جەمقورلىققا قارسى كۇرەس اگەنتتىگىنىڭ الدىن الۋ دەپارتامەنتىنىڭ باسشىسى انار جاروۆا ەلىمىزدىڭ كەدەن سالاسىنداعى نەگىزگى جەمقورلىق تاۋەكەلدەرىن اتاعان بولاتىن. ونىڭ ايتۋىنشا، تاۋارلاردى ۋاقىتشا ساقتاۋ قويمالارىندا ساقتالعان تاۋارلاردى جويۋ باعىتىندا كەدەن ورگاندارى قىزمەتكەرلەرىنىڭ ۋاقتىلى جۇمىس جۇرگىزبەۋى وزەكتى ماسەلەگە اينالعان. ونىڭ ايتۋىنشا، كەيبىر قويمالاردا 10 جىلدان بەرى جاتقان تاۋارلار بار.

اۆتور: ايان بەكەن ۇلى


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات