قانات يسلامنىڭ كەلەسى جەكپە جەگى قاشان وتەتىنى بەلگىلى بولدى
«جاقىندا ءبىز جارىستان سوڭ Qazaq Promotions باسشىسىمەن بىرگە پرەزيدەنت قاسىم-جومارت توقايەۆتىڭ قابىلداۋىندا بولدىق. بۇل ءبىز ءۇشىن ۇلكەن مارتەبە. ونىڭ قولداۋى ءبىزدىڭ ىنتامىزدى ارتتىرا تۇسەرى ءسوزسىز. ءبىزدىڭ تاۋدا جۇرگەنىمىزگە ون كۇن بولدى. وسىندا جارىسقا دايىندالىپ جاتىرمىز. كەلەسى جەكپە-جەك 26 -قازانعا جوسپارلاندى. وعان جاۋاپكەرشىلىك تە ۇلكەن. وسىندا ا ق ش-تان مەنىڭ بۇرىنعى پروموۋتەرىم نەلسون لوپەس كەلدى. سول كىسىنىڭ ارقاسىندا مەن كاسىپقوي بوكستى ءبىلىپ، تانىدىم. امەريكادا ءاردايىم قولداپ ءجۇردى. الماتىدا باق سىناعىمىز كەلەدى. ماقساتىمىز - ەلىمىزدى، اسەم قالامىز بەن ونىڭ تابيعاتىن ماقتانىشپەن تانىتۋ»، - دەدى بوكسشى YouTube-تەگى Qazaq Promotion كانالىندا جاريالانعان ۆيدەودا.
ەسكە سالا كەتەيىك، قانات يسلام ءوزىنىڭ سوڭعى جەكپە-جەگىن 5 -شىلدەدە الماتىداعى بالۋان شولاق اتىنداعى سپورت سارايىندا وتكىزگەن بولاتىن. وندا ول العاشقى راۋندتىڭ 14 سەكۋندىندا دومينيكاندىق حۋليو دە حەسۋسانى نوكاۋتقا ءتۇسىرىپ، ورتا سالماقتا WBO International بەلبەۋىن جەڭىپ العان بولاتىن.
اۆتور: گۇلميرا عوسمانالي