وقۋلىق ىرىكتەۋ قالاي ىسكە اسادى
نۇر-سۇلتان. قازاقپارات - وقۋلىقتاردى ىرىكتەۋدىڭ جاڭا جۇيەسى ەنگىزىلەتىن بولدى، دەپ حابارلايدى قازاقپارات ءتىلشىسى.
ق ر ءبىلىم جانە عىلىم ءمينيسترى اسحات ايماعامبەتوۆ ارنايى كەڭەستە وقۋلىق ساپاسى ساراپتاۋدىڭ السىزدىگىنەن زارداپ شەگەتىنىن ايتتى.
«وقۋلىق ساپاسىن ساراپتاۋعا قاتىستى سىن كوپ. ءيا، وعان ۇزدىك مۇعالىمدەردى تارتامىز. ءبىراق جاقسى ءمۇعالىمنىڭ ءبارى مىقتى ساراپشى ەمەس. كەز كەلگەن ءمۇعالىم وقۋلىققا ساراپتاما جاساي المايدى. ال ءبىز بۇرىن ساراپتاما جاساپ كورمەگەن ۇستازداردى جيناپ الامىز دا، قولدارىنا وقۋلىق ۇستاتامىز. جۇيەنىڭ ءوزى دۇرىس بولماعان سوڭ، ناتيجەسى دە بەلگىلى. وقۋلىق ساپاسىن ناعىز ماماندار ساراپتاۋى ءتيىس»، - دەدى مينيستر.
كەلەشەكتە وقۋلىققا ساراپتاما جاسايتىن مۇعالىمدەر سەرتيفيكاتتاۋدان ءوتىپ، ساراپشىلار پۋلىنا توپتاساتىن بولادى. اسحات ايماعامبەتوۆ وسىلاي عانا وقۋلىق ساپاسىن ارتتىرۋعا بولادى دەگەن پىكىردە.
«سالاداعى جاعدايعا كوڭىل تولمايدى. وقۋلىق دايىنداۋ، ونىڭ ساپاسىن ساراپتاۋ، ىرىكتەۋ جۇيەسىنە وزگەرىس ەنگىزەتىن بولامىز. سوندىقتان، ەندىگى وقۋلىق باسۋ كەزەڭىندە مەن بارلىق باسپالارعا وسى ايتىلعان ماسەلەلەردى ەسكەرۋدى تاپسىرامىن. مۇنداي باسسىزدىقتارعا جول بەرىپ قويا المايمىز. ناقتى شەشىمدەر قابىلداپ، جۇيەلى جۇمىس جۇرگىزەتىن كەز جەتتى»، - دەدى مينيستر.
اۆتور: ەسىمجان ناقتىباي
- وتكەن تاۋلىكتە 5 ادامنان كوروناۆيرۋس انىقتالدى
- كيبەرقاۋىپتىڭ ورشۋىنە بايلانىستى بانكتەردىڭ قاۋىپسىزدىگى كۇشەيتىلەدى - اگەنتتىك
- جۇمىس قابىلەتىنەن ايىرىلعان ادامعا 45 جىلعا دەيىن جاردەماقى تولەنەدى
- دەپۋتات قايرات قۇدايبەرگەندى قاماۋ مەرزىمى ەكى ايعا ۇزارتىلدى
-
نەلىكتەن ادام جاسى ۇلعايعان سايىن تەز شارشايدى؟
-
اۋرۋحاناعا تۇسكەن مۇحامەدي ۇلىنىڭ جاعدايى بەلگىلى بولدى