ەلوردالىق بىرنەشە ايەلگە نەسيە الدىرعان الاياقتى پوليتسيا الماتىدا ۇستادى

None
None
نۇر-سۇلتان. قازاقپارات - استانالىق پوليتسەيلەر ايەلدەردى الداپ اقشالارىن يەمدەنىپ، اتتارىنا نەسيە راسىمدەۋگە كوندىرگەن الاياقتى ۇستادى، دەپا حابارلايدى نۇر-سۇلتان قالالىق پ د باسپا ءسوز قىزمەتىنە سىلتەمە جاساپ.

4 دەرەك بويىنشا كۇدىكتى رەتىندە ۇستالعان ەر ادام ايەلدەردىڭ سەنىمىنە كىرىپ، ولاردان قوماقتى اقشا، ماشينالارىن يەلەنگەن. سونىمەن قاتار ايەلدەردى «بيزنەسىنە» كومەك سۇراپ، الياقتىق جولمەن ولارعا نەسيە الدىرعان.

«پوليتسيا دەپارتامەنتىنىڭ قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا ەلوردادا ايەلدەردى الداپ ءبىرقاتار الاياقتىق جاساعان 34 جاسار ت. -دەگەن ازاماتتى الماتى قالاسىندا قولعا ءتۇسىردى. ول ءبىر جابىرلەنۋشىنى الداپ، التى ميلليون تەڭگەسىن جىمقىرعان. ونىمەن قويماي بىرنەشە ايەلمەن كوڭىل جاراستىرىپ، ءتىپتى بىرگە دە تۇرعان»، دەلىنگەن حابارلامادا.

قازىرگى ۋاقىتتا ەر ادام الماتى قالاسىنىڭ تەرگەۋ يزولياتورىنا قامالدى، تەرگەۋ ءىس-شارالارى جۇرگىزىلگەننەن سوڭ ەلورداعا ەتاپپەن جەتكىزىلەدى.

سونىمەن قاتار، كۇدىكتى بىلتىر اۆتوكولىكتەن ۇرلىق جاساپ، قۇنى 360 مىڭ تۇراتىن التىن بىلەزىكتى قولدى قىلعان.

قازىر تەرگەۋ جۇرگىزىلۋدە. كۇدىكتىنىڭ باسقا دا قىلمىسقا قاتىسى بار ەكەندىگى تەكسەرىلۋدە. وسىعان بايلانىستى ەلوردانىڭ پوليتسيا دەپارتامەنتى ۇستالعان ازاماتتىڭ قىلمىستىق ارەكەتىنەن زارداپ شەككەندەر بولسا استانالىق پوليتسيا دەپارتامەنتىنە ارىزدانۋدى نەمەسە مىنا تەلەفوندارعا: 87172716022، 716329؛ 102 حابارلاسۋىن سۇرايدى.

سوڭعى جاڭالىقتار