+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

ق ر عىلىم جانە ءبىلىم ءمينيسترى: وقۋلىقتاردان بىرنەشە قاتە تاپتىم

8 تامىز 15:16
:ءبولىسۋ
ق ر عىلىم جانە ءبىلىم ءمينيسترى: وقۋلىقتاردان بىرنەشە قاتە تاپتىم

نۇر-سۇلتان. قازاقپارات – ق ر عىلىم جانە ءبىلىم ءمينيسترى اسحات ايماعامبەتوۆ وقۋلىق ساپاسىن ارتتىرۋ بويىنشا كەڭەس وتكىزدى، دەپ حابارلايدى قازاقپارات ءتىلشىسى.

«جىل سايىن وقۋلىقتاردىڭ ساپاسىنا سىن ايتىلىپ كەلەدى. ول سىننىڭ كوبى ورىندى ەكەنىن مويىنداۋىمىز كەرەك. ونى ءارىپتىڭ قاتە باسىلۋى دەسەك تە، تەحنيكالىق قاتەلىك دەسەك تە، قوعام ونداي اقتالۋدى قابىلدامايدى. وقۋلىق دايىنداۋ ءبىزدىڭ مىندەت بولعاندىقتان، ونىڭ ساپاسىن دا ءبىز قامتاماسىز ەتۋىمىز كەرەك»، - دەدى اسحات ايماعامبەتوۆ.

ۆەدومستۆو باسشىسى وقۋلىقتاردىڭ مازمۇنىمەن ارنايى تانىسىپ شىققانىن دا ايتتى.

«وقۋلىق باسۋ جۇمىسى سوڭىنا جەتىپ قالدى. ونى وڭىرلەرگە جونەلتۋ جۇمىسى دا باستالىپ كەتتى. قازىر بارلىق وقۋلىقتىڭ 40 پايىزى وڭىرلەرگە جەتكىزىلدى. وتكەن جىلمەن سالىستىرساق، بۇل جاقسى كورسەتكىش. دەگەنمەن، بۇل جۇمىستى تەزىرەك اياقتاۋ مىندەتى تۇر. مەن وقۋلىقتاردى قاراپ، بىرنەشە قاتە تاپتىم. ەڭ باستىسى، مۇنداي قاتەلىكتەرگە كوز جۇمىپ قاراۋعا بولمايدى. جالپى ءبىلىم جانە عىلىم مينيسترلىگى ۇلكەن جۇمىس اتقاردى. ءبىرقاتار ماسەلەلەر شەشىمىن دە تاۋىپ جاتىر. دەگەنمەن، بۇگىن وقۋلىق بويىنشا ءبىز پروبلەما بار ەكەنىن اشىق ايتىپ وتىرمىز»، - دەدى ول كەڭەستە.

اۆتور:ەسىمجان ناقتىباي


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات