الماتىلىق وقۋشى قىز حالىقارالىق تەلەارنانىڭ جۇرگىزۋشىسى بولدى
12 جاستاعى وقۋشى قىز تەلەارنادا بۇرىننان تانىمال. ول - «جارا» مۋزىكالىق شوۋىنىڭ تۇراقتى قاتىسۋشىسى، «عالامشاردىڭ كىشكەنتاي ارۋى» تيتۋلىنىڭ يەگەرى.
ءمالىم بولعانداي، ەلگيزا «Fashion TV» تەلەارناسىندا «نوۆايا ۆولنا» بەلگىلى مۋزىكالىق بايقاۋىنىڭ الداعى ماۋسىمىنىڭ كۇندەلىگىن جۇرگىزەتىن بولادى.
«ەلگيزا 4 ايدان بەرى «KIDS ART FASHION» باعدارلاماسىندا جۇرگىزۋشى بولىپ تاجىريبەدەن ءوتىپ كەلەدى. وسىنداي ماڭىزدى جوبانىڭ ءبىر بولشەگى بولۋعا شاقىرتۋ العانىمىزعا قاتتى قۋانىشتىمىز. بۇل وتە جاۋاپتى جوبا. ەلگيزا دايىندالىپ جاتىر»، - دەدى اناسى ليۋدميلا دوروحوۆا.
ءتۇسىرىلىم جۇمىستارى 23- تامىزدا باستالادى. ءبىرىنشى باعدارلاما 28- تامىزدا «Fashion TV» ەفيرىنەن شىعادى.
ەلگيزا قاراجانوۆا سوڭعى فەستيۆالدە بەلگىلى ءانشى سۆەتلانا لوبودامەن قوسىلىپ ءان ايتقان بولاتىن. «جاراkids» جوباسى اياسىندا 18 جاسقا دەيىنگى ەڭ ۇزدىك ورىنداۋشى اتاعىن الدى. مۇنىڭ الدىندا «مۋز ت ۆ» تەلەارناسىندا يانا رۋدكوۆسكايامەن بىرگە «بالالار وندىعى» تەلەباعدارلاماسىن جۇرگىزگەن.