13:57, 08 - تامىز 2019 | GMT +6
اتامبايەۆ ارنايى جاساق قىزمەتكەرلەرىنە وق اتقانىن مويىندادى
نۇر-سۇلتان. قازاقپارات - قىرعىزستاننىڭ ەكس-پرەزيدەنتى المازبەك اتامبايەۆ ۇيىنە باسىپ كىرگەن ارنايى جاساق قىزمەتكەرلەرىنە قارسى وق اتقانىن راستادى، دەپ حابارلايدى tass.ru.
بۇل اقپاراتتى ساياساتكەردىڭ ءوزى جۋرناليستەرگە راستاعان.
«مەنىڭ جاقتاستارىمدا قارۋ بولمادى. ۇيگە شابۋىل جاسالعان كەزدە مەن ءوزىم وق اتتىم»، - دەدى ول.
الايدا، ەكس-پرەزيدەنت «بەيبىت ادامدارعا تيگىزبەۋگە» تىرىسقانىن اتاپ ءوتتى.
سونداي-اق، ول ءوز جاقتاستارىمەن تۇتقىنعا الىنعان ارنايى جاساق ساربازدارىن بوساتۋعا كومەكتەسەتىنىن العا تارتتى.