+7 (701) 759 90 19
USD 435.76 EUR 493.41
RUB 5.89 CNY 68.37
جاڭالىقتار

قازاقستاندا سۇرانىس تومەن ماماندىقتار ءتىزىمى جاريالاندى

8 تامىز 13:16
:ءبولىسۋ
قازاقستاندا سۇرانىس تومەن ماماندىقتار ءتىزىمى جاريالاندى

الماتى. قازاقپارات - ەڭبەك ساراپشىلارى ەلىمىزدە از سۇرانىسقا يە ماماندىقتاردى اتادى. سونىڭ ىشىندە زاڭگەرلەرگە سۇرانىس جوق، دەپ حابارلايدى قازاقپارات ءتىلشىسى ەڭبەك رەسۋرستارىن دامىتۋ ورتالىعىنا سىلتەمە جاساپ.

ەڭبەك رەسۋرستارىن دامىتۋ ورتالىعى ساراپشىلارىنىڭ مالىمەتىنشە، بيىلعى جىلدىڭ 6 ايىنىڭ قورىتىندىسى بويىنشا ەڭبەك نارىعىندا زاڭگەرلەردىڭ 3,6 مىڭعا جۋىق تۇيىندەمەسى تالاپ ەتىلمەگەن كۇيىندە قالدى. ايتا كەتۋ كەرەك، جارتى جىلدا ەلەكتروندى ەڭبەك بيرجاسىندا بارلىعى 1221 زاڭگەرگە بوس جۇمىس ورنى ورنالاستىرىلعان. الايدا، 4818 ادام وسى سالادا جۇمىس ىزدەگەن.

سونداي-اق، تومەن سۇرانىسقا يە ماماندىقتار بەستىگىنە، الەۋمەتتىك قىزمەتكەرلەر (2,4 مىڭنان استام تۇيىندەمە)، اسپازدار (2 مىڭ)، كومپيۋتەر تەحنيكتەرى (1,5 مىڭ) جانە كەڭسە قىزمەتشىلەرى (شامامەن 1,5 مىڭ) كىردى.

جوعارى سۇرانىسقا ەكونوميستەر، شاشتارازدار، قارجىگەرلەر، تىگىنشىلەر مەن تەحنيك-تەحنولوگتار كىردى.

سونىمەن قاتار، 2019-جىلدىڭ ءبىرىنشى جارتىجىلدىعىندا جۇمىس بەرۋشىلەر تاراپىنان تومەندەگى ماماندىقتارى بار جۇمىس ىزدەۋشىلەردىڭ تۇيىندەمەسى از سۇرانىسقا يە بولدى: ساتۋشى-كونسۋلتانت، دەنە شىنىقتىرۋ جانە سپورت مۇعالىمى، قازاق ءتىلى مەن ادەبيەتى مۇعالىمى (ورتا مەكتەپ)، مانيكيۋر شەبەرى، بۋحالتەر، كونديتەر، جىلۋ قازاندىعى وپەراتورى، باستاۋىش سىنىپ مۇعالىمى، بۋحالتەرلىك قىزمەتشى، ەكولوگ، زاڭگەر-كەڭەسشى، ينجەنەر-ەكونوميست، تەحنيك-مەحانيك، پەداگوگ (باستاۋىش مەكتەپ)، ۆيزاجيست.


:ءبولىسۋ

اأتور:

novasa

پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات