12:58, 08 - تامىز 2019 | GMT +6
دانيار ەلەۋسىنوۆ كەلەسى جەكپە-جەگىن قاشان جانە قايدا وتكىزەتىنى انىقتالدى
نۇر-سۇلتان. قازاقپارات - قازاقستاندىق بوكسشى دانيار ەلەۋسىنوۆ (7-0، 3 ك و) كاسىبي دەڭگەيدەگى كەزەكتى جەكپە-جەگىن كۇزدىڭ العاشقى ايىندا وتكىزەدى، دەپ حابارلايدى قازاقپارات Sports.kz-كە سىلتەمە جاساپ.
ريو وليمپياداسىنىڭ 28 جاستاعى چەمپيونى كەلەسى كەزدەسۋىن قاشان وتكىزەتىنى جونىندەگى جاڭالىقتى ونىڭ مەنەدجەرى زيا اليەۆ ءمالىم ەتتى.
«دانيار 13- قىركۇيەك كۇنى نيۋ-يوركتەگى Madison Square Garden- ءنىڭ كىشى ارەناسىندا جەكپە-جەككە شىعادى. ديەۆين حەيني مەن زاۋر ابدۋللايەۆتىڭ ايقاسى كەشتىڭ باستى وقيعاسى بولماق»، - دەدى زيا اليەۆ.
ەسكە سالا كەتەيىك، دانيار ەلەۋسىنوۆ 27- شىلدەدە ا ق ش- تاعى تەحاس شتاتىنا قاراستى ارلينگتون ايماعىندا ورنالاسقان College Park Center ارەناسىندا رينگكە شىعۋى كەرەك بولعان ەدى. الايدا، جەكپە-جەك قازاقستاندىق بوكسشىنىڭ قاتتى سۋىق تيگىزىپ الۋىنا بايلانىستى وتپەي قالدى.