جەلىدە جۇرتتى ميتينگكە شىقپاۋعا شاقىرىپ جاتىر

None
None
بىشكەك.كابار-قازاقپارات - قىرعىزستاندا الەۋمەتتىك جەلى پايدالانۋشىلارى «#مى پروتيۆ ترەتەي ريەۆوليۋتسي» حەشتەگىمەن جۇرتشىلىقتى ميتينگكە شىقپاۋعا شاقىرىپ جاتىر.

بۇل تۋرالى «قازاقپارات» ح ا ا كابار اگەنتتىگىنە سىلتەمە جاساپ حابارلايدى.

Instagram-نىڭ وزىندە ەلدەگى تولقۋلاردى توقتاتىپ، بەيبىت ءومىر سۇرۋگە شاقىرعان 500 دەن استام جازبا جاريالاندى. ولاردىڭ اۆتورلارى ارانداتۋعا بەرىلمەۋگە، الدەكىمنىڭ جاعىنا شىعىپ، جىك-جىككە بولىنبەۋگە ۇندەۋدە.

ەسكە سالا كەتەيىك، كەشە كەشكىسىن بۇرىنعى پرەزيدەنت المازبەك اتامبايەۆتىڭ ۇيىندە كۇش قۇرىلىمدارى مەن ەكس-پرەزيدەنتتىڭ جاقتاستارى اراسىندا قاقتىعىس بولدى. سونىڭ سالدارىنان 22 جاستاعى ارنايى جاساق وكىلى قازا تاۋىپ، 40 تان استام ادام جارالانعان.

زارداپ شەككەندەردىڭ اراسىندا شۋ وبلىسى ىشكى ىستەر باس باسقارماسىنىڭ باستىعى سامات قۇرمانقۇلوۆ تا بار. قازىر دارىگەرلەر ونىڭ ءومىرىن ساقتاپ قالۋدىڭ قامىندا.

ايتا كەتسەك، بۇعان دەيىن جوگوركۋ كەنەش ەلدىڭ ەكس-پرەزيدەنتىنەن قول سۇقپاۋشىلىق مارتەبەسىن الىپ تاستاۋ تۋرالى شەشىم قابىلداعان بولاتىن. اتامبايەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسيا قۇرىلدى. كوميسسيا جۇمىسىنىڭ ناتيجەسىندە وعان 6 ەپيزود بويىنشا ايىپ تاعۋ شەشىمى قابىلداندى. الايدا باس پروكۋراتۋرا كوميسسيانىڭ جۇمىسىن زاڭ تۇرعىسىنان باعالاي كەلە، تەك بەس ەپيزودتى قالدىردى.

سوڭعى جاڭالىقتار